Txaramelak

Txaramelak ez-zuzenki kolpaturiko idiofonoak dira. Toki batzuetan tarrañuelas ere esaten zaie. Harrizkoak direnean arxalu izena hartzen dute.

Nolakoak dira?

Zurezko taulatxo parea da. Tokian toki itxura ezberdinak hartzen dituzte.

Bi taulatxoak, hatzen artean heldurik, kastaineten gisa jotzen dira.

Bizkaian, Gipuzkoan eta Nafarroan halakoak dantza doinuak erritmikoki laguntzeko erabili dira.

Durangaldean paluek izena hartzen dute eta hatzekin hobeto heltzeko forma berezia izaten dute.