Azido erribonukleiko
Azido Erribonukleikoa edo RNA (ARN siglarekin ere ezagutua) Azido nukleiko mota bat da. Erribonukleotido izeneko Nukleotidoz osatutako katea da. Proteinak egiteko prozesuan parte hartzen du. Zelula guztietan aurki daitezke, bai zelula eukariotoetan, bai prokariotoetan. RNA eta DNA gauza antzekoak dira, baina ez dira berdinak. Bata eta bestearen artean harreman estua egon daiteke.
Osaera aldatu
Bertan agertzen diren base nitrogenatuak hauek dira: Uraziloa (U), Adenina (A), Guanina (G) eta Zitosina (C). Azido desoxirribonukleikoa (DNA) ez bezala, kate bakar batez osatuta dago. Hiru mota ezberdin daude: mezularia (mRNA), transferentea edo garraiatzailea (tRNA) eta erribosomikoa (rRNA).
RNA motak aldatu
- RNA mezularia. Hari itxura du. DNAko informazio genetikoa garraiatzen du. Proteinak egiteko prozesuan parte hartzen du, zehazki, transkripzioan (DNA → ARN). RNA mezulariak daramatzan base nitrogenatuak hirunaka jarriz aminoazido ezberdinak lortzen dira.
- RNA transferente edo garraiatzailea. Hirusta itxura du. Proteinen sintesian parte hartzen du, zehazki, itzulpenean (ARN → PROTEINA). Aminoazidoak garraiatzen ditu erribosometara.
- RNA erribosomikoa. Proteina batzuekin elkarturik, erribosomak osatzen ditu.