Aitziber Garmendia

👶
Jaiotza
1982ko abenduaren 10a
Zaldibia

🔨
Lanbidea
aktore

Aitziber Garmendia Mendizabal aktore eta umorista gipuzkoar bat da. Zaldibian jaio zen, 1982. urteko abenduaren 10ean.

Nola hasi zen antzerkigintzan?

Aitziber Garmendiak ikastolan eginiko lan batekin izan zuen lehenengo esperientzia antzerki munduan. Momentu horretan ohartu zen atzerkia gustatzen zitzaiola.

Hamahiru urte zituela hasi zen aktore lanak egiten Beasaingo antzerki talde batean. Izatez, Beasaingo antzerki eskolan sartzeko, beharrezkoa zen hamabost urte izatea, baina Garmendiak hamahiru urte zituenez gezurra esan zuen eskolan sartu ahal izateko.

Geroago, 15 urte zituela, Arte Eszenikoak ikasten hasi zen Donostiako TAE eskolan eta 18 urte zituela diplomatu zen.

Bestalde, 2008. urtean, Zuzenbidean lizentziatu zen.

Antzerkian, Dario Fo idazle eta antzerkigilearen Hitz egin dezagun sexuaz izan zen antzeztu zuen lehendabiziko lana.

Garmendia ETB1eko Martin telesailarekin bilakatu zen ezagun.

Gure kasa izeneko telebista saioan ere parte hartu du; bertan, pertsonaia ezberdinak antzezten ditu, hala nola, Zuriñe edo Virginia. Pertsonaia horien bidez, Garmendiak umorea jartzen dio programari. Telesaio horretan, Julen eta Antton Telleria anaiekin aritu da lanean.