Txikipedia:Beasain

Datuak, labur
🏴  Lurraldea	Gipuzkoa
👨‍👨‍👦‍👦  Biztanleak	13.970
🔎  Azalera	30,02 kilometro koadro
🌄  Altuera	159 metro

Beasain Gipuzkoako udalerri bat da. 13.854 biztanle ditu.

Geografia

Oria ibaiak herrigunea zeharkatzen du.

Herriko mendirik altuena Murumendi da (867 metro).

Auzo hauek ditu: Altamira, Antzizar, Aratz-Matxinbenta, Arriaran, Astigarreta, Beasainmendi, Garin, Gudugarreta, Loinatz, Salbatore eta Ugartemendi.

Igartza jauregia

Historia

1399an Beasainek Ordiziarekin bat egin zuen, gaizkile eta jauntxoengandik defendatzeko. Garai hartan Ordizia zen inguruko hiri garrantzitsuena.

1615ean lortu zuen Beasainek hiribildu titulua. Astigarretak eta Gudugarretak ere lortu zuten, nahiz eta gaur egun Beasaingo auzo diren.

CAF enpresa

Ekonomia

Burdinolek garrantzia handia eduki zuten Beasainen Erdi Aroaz geroztik.

Gipuzkoako lehen labe garaia Beasainen eraiki zen, 1860an.

Gaur egun Goierriko enpresa nagusia bertan dago: trenak egiten dituen CAF.

Loinazko Andre Mariaren baseliza

Demografia

2019an herriak 13.969 biztanle zituen.

Politika

2019ko hauteskundeen ondoren Aitor Aldasoro izendatu zuten alkate.

Euskara

2016 urtean herritarren %59,05 euskalduna zen.

Eraikin garrantzitsuak

• Igartza jauregia. XVI. mendekoa.
• Loinazko Andre Mariaren baseliza. XVI. mendekoa.
• Letamendi baserria. XVII. mendekoa.
• Jasokundeko Andre Mariaren eliza.
• Olaran fabrika. 1939koa.

  

  Olaran fabrika

Beasaindar ospetsuak

• Plazida Insausti (1896-2007), gehien bizi izan den euskal herritarra.

Argazki galeria

• 
  Letamendi baserria
• 
  Jasokundeko Andre Mariaren eliza