Tricholoma arvernense
Tricholoma arvernense Tricholomataceae familiako onddo espezie bat da.[1] Ez da jangarria.
| Tricholoma arvernense | |
|---|---|
 | |
| Sailkapen zientifikoa | |
| Erreinua | Fungi |
| Ordena | Tricholomatales |
| Familia | Tricholomataceae |
| Generoa | Tricholoma |
| Espeziea | Tricholoma arvernense Bon, 1976 |
Sinonimoak: Tricholoma sejunctum var. arvernense, Tricholoma sejunctoides.
Deskribapena
aldatuKapela: 5 eta 10 cm bitarteko diametrokoa, mamitsua, sendoa eta nahiko trinkoa, hasieran konikoa edo kanpai itxura handikoa, gero esferiko samarra titi kamuts ez oso nabarmen batekin. Ertz leuna, zertxobait lobulatua edo bihurria, batzuetan pitzatua. Azal leuna, erraz bereiz daitekeena, likatsua edo ukitzean koipetsua, batez ere eguraldi hezearekin, horia edo hori-urre kolorekoa, laranja koloreko zuntz txikiekin.
Orriak: Eskotatuak, oso luzeak eta sendoak, nahiko zabal, zuriak edo zurixka-grisaxkak, ale oso helduek nolabaiteko isla horixkak izaten dituzte.
Hanka: 5 eta 10 cm bitarteko garaierakoa eta 1 eta 2 cm bitarteko lodierakoa, nahiko potoloa, baina gehienetan zilindrikoa edo klabiformea, haritsua, zuria, esfumatura hori txikiekin goialdean.
Haragia: Nahiko lodia eta ugaria, gogorra, kolore zurixkakoa esfumatura horixkekin. Irin usain arin batekin eta zaporea ere irinarena du, baina gero mikatza.[2]
Etimologia: Tricholoma hitza grekotik dator, ilea, txirikorda, lumatxarekin tolesturan zehar, nahiz eta espezie gutxi batzuek baino ez dituzten iledun kapelak.
Jangarritasuna
aldatuEz da jangarria.[3]
Nahasketa arriskua
aldatuEspezie nahiko arraroa da, eta, oro har, ia beti Tricholoma sejunctum delakoarekin nahasten da, baina honek hostozabaletan irteten du batez ere eta kolore berdexkakoa da.
Sasoia eta lekua
aldatuUdazkenean. Mendiko koniferoen azpian hazten da.
Banaketa eremua
aldatuKanada, Alaska, Ameriketako Estatu Batuak, Europa, Errusia, Kaukasia.[4]
Erreferentziak
aldatu- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 156 or. ISBN 84-282-0865-4..
- ↑ (Gaztelaniaz) AVM Asociacion Vallisoletana de Micologia 1986.
- ↑ Tricholoma arvernense: GBIF—the Global Biodiversity Information Facility.
Kanpo estekak
aldatu
Datuak: Q10543386
Multimedia: Tricholoma arvernense / Q10543386
