Trichoglossum hirsutum
Trichoglossum hirsutum Geoglossaceae familiako onddo espezie bat da.[1] Ez da jangarritzat hartzen.
| Trichoglossum hirsutum | |
|---|---|
 | |
| Sailkapen zientifikoa | |
| Erreinua | Fungi |
| Klasea | Geoglossomycetes |
| Ordena | Geoglossales |
| Familia | Geoglossaceae |
| Generoa | Trichoglossum |
| Espeziea | Trichoglossum hirsutum Boud., 1907 |
Sinonimoak: Geoglossum hirsutum, Trichoderma aureoviride.
Deskribapena
aldatuKarpoforoa: 3 eta 6 cm bitarteko garaiera izaten da. Beltza, goiko aldea nabarmenki zabaldua, espatula forman edo lantza-punta itxuran, ildaskatu samarra.
Hanka: Ez da barnehutsa, kolore berekoa da eta, zati emankorrak bezala, belusatu bereizgarri bat izaten du. Zati emankorraren luzapen bat da, harekiko asko mehetzen da, eta ile txiki-txikiz beteta dago.
Haragia: Hutsala eta usain eta zapore gabea.[2]
Etimologia: Trichoglossum terminoa grekotik dator, ilea esan nahi duen, "trichós" hitzetik eta mihia, esan nahi duen "glóssa" hitzetik. Mihia ile finekin. Hirsutum epitetoa berriz latinetik dator, ilelatz esan nahi duen " hirsutus" hitzetik. Ile zurrun eta lakarrez estalia.
Jangarritasuna
aldatuEz da jangarria.[3]
Nahasketa arriskua
aldatuOnddoaren izaera belusdun eta lehorrak, baita bat-batean zabaldutako buruak ere, beste espezie batzuekin nahastea saihesten du; hala ere nahikoa antzekoak dira hauek: Geoglossum fallax, hau arre-beltzaxka da, eta burua ez du zabaldua. Geoglossum olivaceum, hau handiagoa da eta tonalitate berdexkak izaten ditu oinean. Geoglossum glutinosum, honek lirdinga handia izaten du karpoforo osoan, eskuetatik erraz egiten du irrist.
Sasoia eta lekua
aldatuUdazkenaren azkenean hasi eta urtarrilera arte, larre hezeetan, goroldio artean, hainbat aleko taldeetan. Urria.[4]
Banaketa eremua
aldatuKanada, Ameriketako Estatu Batuak, Mexiko, Erdialdeko Amerika, Txile, Brasil, Europa, Errusia, Oman, Himalaiako eremua, Txina, Japonia, Australia, Zeelanda Berria, Mozambike, Mendebaldeko Afrika.
Erreferentzia
aldatu- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 783 or. ISBN 84-404-0530-8..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia..
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 332 or. ISBN 84-282-0865-4..
Kanpo estekak
aldatu
Datuak: Q2010771
Multimedia: Trichoglossum hirsutum / Q2010771
