The Allnighters
The Allnighters, 1988an Gasteizen jaio zen Euskal Herriko Rhythm and blues taldea da.
| The Allnighters | |
|---|---|
| Datuak | |
| Jatorria | Gasteiz, Araba |
| Musika mota | Rhythm and blues |
| Urteak | 1988-1998, 2013- |
| Produkzioa | |
| Diskoetxea(k) | Oihuka, Marriott Records, Al.leluia Records |
| Taldekideak | |
| Iñigo Ortiz de Zárate Ernesto García Zigor Akixo Iñaki "Igu" García Ruper Díez | |
Ibilbidea aldatu
1988an bost lagunek taldea sortu eta kontzertuak ematen hasi ziren. 1991 urtean All night long maketa atera zuten eta honek ekarritako arrakastari esker Wilko Johnson, Nine Below Zero, Barrence Withfield, Caledonia Blues Band, Bill Thomas, Kenny Neal, Ian Dury eta The Blues Brothers Band taldeen telonero izan ziren.
1994an Midnight Boogie plazaratu zuten, beren lehenengo diska luzea. 1995eko otsailean Gijongo Marriott Recordsen diska labur bat grabatu zuten, Like the Devil (I will love you), biniloan baino editatu ez zena. 1996an bigarren diska luzea kaleratu zuten, Keep on Keepin´ on, oraingoan Bartzelonako Al.leluia Records estudioetan. 1998an Alemanian kontzertu batzuk eman ondoren taldekide batzuek taldea uztea erabaki zuten eta ondorioz taldearen ibilbidea amaitu zen. Egindakoa biribiltzeko 1998an hirugarren diska atera zuten, Ten Long Years bilduma[1].
Hamabost urtetako atsedenaldiaren ondoren 2013an berriz itzuli ziren hainbat kontzertu eman asmoz, baina berehala Everything is changing diska grabatu eta kaleratu dute.
Taldekideak aldatu
- Iñigo Ortiz de Zárate - organoa eta gitarra
- Ernesto García - gitarra
- Zigor Akixo - batería
- Iñaki "Igu" García - ahotsa eta armonika
- Ruper Díez - baxua
Diskografia aldatu
- All night long (Autoekoizpena, 1991) - maketa.
- Midnight Boogie (Oihuka, 1994)
- Like the Devil (I will love you) (Marriott Records, 1995) - hiru abestiko EP-a
- Keep on Keepin´ on (Al.leluia Records, 1996)
- Ten Long Years (Al.leluia Records, 1998)
- Everything is changing (Autoekoizpena, 2013)[2]
Erreferentziak aldatu
- ↑ (Gaztelaniaz) «The Allnighters» FanMusicFest (Noiz kontsultatua: 2017-07-22).
- ↑ (Gaztelaniaz) «The Allnighters: “Éramos una rara avis en la escena musical europea”» MondoSonoro 2016-11-08 (Noiz kontsultatua: 2017-07-22).
Kanpo estekak aldatu
Datuak: Q61361002
