Termometro

Termometroa, tenperatura neurtzeko tresna da. Galileo Galileik asmatutako termoskopioa hartzen da geroko termometroen aitzindaritzat.

Kristalezko termometroa.

Hainbat autorek Cornelis Drebbel, Robert Fludd, Galileo Galilei edota Santorio Santorio aipatu dituzte termometroaren asmatzailetzat. Termometroa, ordea, ez zen izan gizabanako bakarrak behingoan egindako asmakizuna, baizik eta hainbat gizabanakok urte askoan egindako ondoz ondoko ekarpenekin pixkanaka sortutako garapena.

Funtzionamendua

Termometroen funtzionamendua, material desberdinen dilatazioan oinarritzen da. Oraintsu arte, merkuriozko termometroak oso erabiliak izan dira, baina orain debekatuta daude, merkurioak dakarren kutsaduragatik. Gaur egun, erabiliagoak dira termometro digital elektronikoak.

Tenperatura neurtzeko eskala desberdinak daude. Celsius eskala da herrialde gehienetan erabiltzen dena; eskala honen zeroa, uraren izozte puntuan jartzen da eta uraren irakite puntuan 100 gradutan jartzen da. Sistema Internazionalean Kelvin gradua da tenperatura neurtzeko unitatea.

Artikulu hau zirriborroa da. Wikipedia lagun dezakezu edukia osatuz.

Wikiztegian orri bat dago honi buruz: termometro .

Kanpo estekak

• Datuak: Q646
• Multimedia: Measuring instruments (temperature) / Q646