Wikipedia

Srebrenicako sarraskia

Srebrenicako sarraskia edo Srebrenicako genozidioa 8.000 gizon-mutil bosniakoren hilketa izan zen, 1995eko uztailean Srebrenican (Bosnia-Herzegovina) gertatua eta Srpska Errepublikako armadaren unitateek egina, Ratko Mladić jeneralaren agindupean. 1993an NBEk Srebrenica eremu segurutzat jo zuen, Nazio Batuen babespean. Hala ere, Babes Armadak, UNPROFOR-ek, ezin izan zuen ekidin sarraskia, Herbehereetako 400 soldadu ongi hornituak bertan bazituen ere.

Srebrenicako sarraskia
Bosniako gerrako zati
.
DataUztailaren 6 - Uztailaren 25 1995
Koordenatuak44°06′N 19°18′E / 44.1°N 19.3°E / 44.1; 19.3
EmaitzaOperation Deliberate Force
Gudulariak
Bosniako Serbiar Errepublika
  • Sabotajea

Bosnia-Herzegovinako Federazioa

Herbehereak
Buruzagiak
Ratko Mladić

Radislav Krstić

Naser Orić
Avdo Palić

Thomas Karremans

Srebrenicakoa izan zen, Bigarren Mundu Gerraz geroztik, Europan gertatutako sarraskirik handiena. 2004an, Hagan egoitza duen Lehengo Jugoslaviako Nazioarteko Epaitegi Kriminalak ebatzi zuen Srebrenicako sarraskia genozidioa zela. Theodor Meron epaiburuak adierazi zuen:

« Bosniako musulmanen zati bat garbituz, Bosniako serbiar indar armatuek genozidioa eragin zuten. Haien xedea izan zen Srebrenican bizi ziren 40.000 musulmanak desagerraraztea, Bosniako musulmanen artean eredugarria zen taldea hain zuzen. Gizonezko preso guztiak, militarrak zein zibilak, gazteak zein zaharrak, ondasunik eta identifikaziorik gabe utzi zituzten, eta, berariaz hil zituzten soilik haien nortasuna zela eta. »

Hildako gehienak gizonezko helduak edo mutil nerabeak izan ziren, baina tartean zeuden 15 urtetik beherako umeak eta 65 urtetik gorako gizonak ere. Zenbait emakume eta neska ere hil zituzten. Egun (2009ko uztaila) 6186 biktima daude identifikaturik, eta 3647 ehortzi dira Potočariko Oroimen Gunean.

Kanpo estekak aldatu

"https://eu.wikipedia.org/w/index.php?title=Srebrenicako_sarraskia&oldid=9513022"(e)tik eskuratuta