Solartekua jauregia

Solartekua jauregia
	Markina-Xemeingo hiri historikoa
	Irudi gehiago
Kokapena
Herrialdea	Euskal Herria
Probintzia	Bizkaia
Herria	Markina-Xemein
Koordenatuak	43°16′03″N 2°29′55″W / 43.267372°N 2.49859°W
Historia eta erabilera
Irekiera	1666
Erabiltzailea	Markina-Xemeingo Udala
Ondarea
	17
Kontaktua
Helbidea	Goiko portala, 3

Solartekua jauregia Bizkaiko Markina-Xemein udalerriko Alde Zaharrean kokatzen den jauregia da. 1666an Lucas Longak eraikitako eraikuntza barrokoa da.

Jauregia erabat berritu zuten eta gaur egun jauregi hau Markina-Xemein udalerriko udaletxea da. Mugartegi Jauregia izenaz ere ezagutzen dena.

Ezaugarriak aldatu

Barroko erako eraikina da. Juan Jose Fernandez de Mugartegi Mañozcak aginduta eraiki zen, 1.666 urtean Berriatuatik Markinara bizi izatera etorri zena. Harlanduz eginda dago, eta beheko solairuko sarrera ateburuduna (dintelduna) da, frontoi oker eta banatu bat duelarik. Solairu noblean, berriz, ateburu gaineko hiru balkoiak eta Mugartegui-Laca eta Mañozca abizenen armarriak. Gorengo pisuan barandak ditu. Amaitzeko, erlaitz sendo batek eta teilatu hegal zabal batek burutzen dute eraikina.^[1]

Teilatu hegala hori handia da, eta kareharri landuz eginiko erlaitzak eusten dio (molduraz apainduta dago). Mendebaldeko aldean, bi balkoi ditu, aurrekoen antzekoak, eta gorengo solairuan, galeria bat nabarmentzen da (zirkuluerdiko hiru bao ditu). Atzeko aldean, lehen solairuaren parean, zubi bat zuen lehen, etxea eta lorategia lotzeko (egun, aparkalekua dago lorategiaren ordez). Lorategia izan zen leku horretan, garai hartako kiosko bat dago, lau angelukoa.^[2]