Sokratesen heriotza
Sokratesen heriotza (frantsesez, La Mort de Socrate) Jacques-Louis Davidek 1787an bukatu zuen margolan ezaguna da. Lana Trudaine anaien enkargua izan zen. Egun, New Yorkeko Metropolitan Museum of Artearen egoitzan erakusten da.
| Sokratesen heriotza La Mort de Socrate' | |
|---|---|
 | |
| Jatorria | |
| Sortzailea(k) | Jacques-Louis David |
| Sorrera-urtea | 1787 |
| Izenburua | The Death of Socrates, La Mort de Socrate eta موت سُقراط |
| Mugimendua | neoklasizismoa Akademizismoa |
| Ezaugarriak | |
| Materiala(k) | olio-pintura |
| Dimentsioak | 129,5 ( ) × 196,2 ( ) cm |
| Genero artistikoa | margolaritza historikoa |
| Egile-eskubideak | jabetza publiko |
| Deskribapena | |
| Iconclass | 98B(SOCRATES)68 |
| Kokapena | |
| Lekua | Metropolitan Museum of Art |
| Bilduma | Metropolitan Museum of Art |
| Inbentarioa | 31.45 |
| Argumentu nagusia | Sokratesa |
| Historia | |
| Erakusketak | Salon of 1787 (en)  |
Deskribapena aldatu
Margolanak Antzinako Greziako Sokrates filosofoaren heriotza erakusten du. Sokrates gazteen artean betiko jainkoen aurkako ideiak zabaltzearen eta, ondorioz, Atenasen gazteak galbideratzearen kargupean heriotzara kondenatua izan zen.
Lanaren erdian Sokratesen irudiak du nagusitasuna; eserita altxatzeko keinua egiten ari da. Sokrates ez dago lotuta nahiz eta inguruan kateak ageri. Inguruan bederatzi dizipuluek haien mina erakusten dute. Ezkerrean, eserita, etsituta, Platon dago nahiz eta historikoki egun horretan gaixorik zegoenez bera bertan ez izan; horrela aitortu zuen pentsalariak bere Fedon liburuan. Denbora hartan Platon gaztea zen baina Davidez agure bat bezala erakusten du. Pasabide baten beste aldean beste hiru gizon agertzen dira, eskailera bat igotzen eta, halaber, batek agurtzen du. Kriton Atenaskoa Sokrates ondoan eserita agertzen da, bere eskua Sokratesen iztar gainean pausatuta; pozoia ez hartzeko emate du adierazten diola. Sokatesek bukatu berria du arimaren hilezkortasunaren gaineko diskurtsoa eta prest dago pozoia hartzeko. Kartzelazainak, lotsatuta, zikuta kopa luzatzen dio.[1]
_(1787)_(1251919163).jpg)
Ikus, gainera aldatu
Erreferentziak aldatu
- ↑ Sébastien Allard: « La mort dans l'âme : Essai sur la représentation des derniers moments de Socrate dans la peinture française du xviiie siècle »
Kanpo estekak aldatu
- (Ingelesez):Margolanaren fitxa Metropolitan Museum of Arten webgunean.
- (Gaztelaniaz):Margolana Artehistorian.
Datuak: Q1752990
Multimedia: The Death of Socrates (Jacques-Louis David) / Q1752990
