Siriki
Sirikia Paraguaira joandako Sebastian Sasiain gatzagar nekazariak sortu zuen koktel alkoholduna da. Sasiainek, batiburrillo izeneko platera ere sortu zuenak, batiburrilloaren janaurreko edari gisa prestatu zuen.[1]
Siriki | |
---|---|
Osagaiak | ron zuria, lima zukua, izotza eta gaseosa |
Historia | |
Jatorria | Paraguai |
Bai batiburrilloa, bai sirikia Paraguaiko Misionesko departamenduko plater eta edari tipiko bihurtu ziren hurrenez hurren.[2][3] Izan ere San Juan Bautistako udalak eta Batiburrilloaren Batzordeak Batiburrilloaren, Sirikiaren eta Sanjoandar Txorizoaren Nazioarteko Jaialdia antolatzen dute urtero 2001az geroztik.[4] Gainera, Paraguaiko Turismo Idazkaritza Nazionalak interes turistiko nazionaleko jaialdi izendatu zuen 2019an, 1408/2019 zenbakidun ebazpenean.[4]
Osagaiak
aldatuSirikia ondorengo osagaiekin prestatzen da:
Prestaketa
aldatuLehenik eta behin lima oso bati zukua ateratzen zaio. Ondoren, kanabera-ron zuri marra bat edo bi gehitzen zaizkio. Gero izotz-puskak jartzen zaizkio sodarekin batera. Bukatzeko osagai guztiak nahasi behar dira eta lima xerra bat edo bi jarri.[5][6]
Azukrea hautazkoa da. Nahiz eta batzuek jarri, jatorrizko errezetak ez du azukrerik.
Etimologia
aldatuSiriki hitza guaranieraz trago esan nahi duen syryky hitzetik dator.
Erreferentziak
aldatu- ↑ (Gaztelaniaz) Montiel, Rafael. (2012-07-06). «Presentan la historia del batiburrillo» ABC Color (Noiz kontsultatua: 2024-06-12).
- ↑ (Gaztelaniaz) «Chorizo sanjuanino y batiburrillo platillos tradicionales de San Juan» ABC Color 2020-03-20 (Noiz kontsultatua: 2024-06-12).
- ↑ (Gaztelaniaz) Paraguaiko Kultura Idazkaritza Nazionala. (2020-01-26). Festival del Batiburrillo, Siriki y Chorizo Sanjuanino se reafirma como tradición en Misiones. (Noiz kontsultatua: 2024-06-12).
- ↑ a b (Gaztelaniaz) Paraguaiko Turismo Idazkaritza Nazionalak. (2019-12-10). San Juan Bautista prepara su XIX edición del Festival del Batiburrillo. (Noiz kontsultatua: 2024-06-12).
- ↑ (Gaztelaniaz) Álvarez, Natalia. (2014-01-29). «Recetas: Siriki» Tembi'u Paraguay (Noiz kontsultatua: 2024-06-12).
- ↑ (Gaztelaniaz) Rivarola, Mariela. (2019-01-23). «¿Cómo se prepara el tradicional siriki sanjuanino?» Última Hora (Noiz kontsultatua: 2024-06-12).