Sarehori hiltzaile
Sarehori hiltzailea (Cortinarius splendens) Cortinariaceae familiako onddo espezie bat da.[1] Azken ikerketen arabera uste zen baino toxikotasun txikiagoa du, baina ez kontsumitzea gomendatzen da.
| Sarehori hiltzailea | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Cortinariaceae |
| Generoa | Cortinarius |
| Espeziea | Cortinarius splendens Rob.Henry, 1939 |
Deskribapena aldatu
Kapela: 3 eta 6 cm bitarteko diametrokoa, txikia Cortinarius bat izateko, ganbila eta likatsua, gero zabaldu egiten da eta lehorra da, hori-urre bizi kolorekoa, erdian metxa marroi purpurak ditu eta ilunagoa da.
Orriak: Itsatsi-dekurrenteak, estu eta kolore hori bizikoak, gero zerbait hori-laranja kolorekoak eta azkenean kanela kolorekoak.
Orri dekurrenteak: Hanka ukitzeaz gain, beherantz jarraitzen duten orriak.
Hanka: Erraboila erabat alboan, hori-urre kolorekoa, eta, ondoren, laranja-lehoi kolorekoa gortina iheskor hori zurbil batekin, eta, gero, esporei eusten dienean, zuntz txiki okre kolorekoak uzten ditu oinean.
Haragia: Lodia, hori bizi kolorekoa, usain eta zapore nabarmenik gabea, baina desatsegin samarrekoa.[2]
Etimologia: Cortinarius hitza, gortinatik dator, gortina eta guzti, errezelaren hondakin bereizgarriak direla eta.
Jangarritasuna aldatu
Gaur egun pozoitsu hilgarritzat jotzen da.[3]
Nahasketa arriskua aldatu
Cortinarius elegantissimus delakoarekin nahas daiteke, honek orri hori-berdexka kolorekoak ditu eta gero okre kolorekoagokoak oliba koloreko ñabardurekin.[4]
Sasoia eta lekua aldatu
Udazkenean, zenbait hostozabalen basoetan, hala nola pagoetan eta arteetan, lautadan eta mendietan berdin.[5]
Banaketa eremua aldatu
Europa.
Erreferentziak aldatu
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 224 or. ISBN 84-404-0530-8..
- ↑ (Gaztelaniaz) Palacios Quintano Daniel. (2014). Disfrutando con las setas. Leitzaran, Grafikak S.L. Andoain, Gipuzkoa, 372 or. ISBN 978-84-617-0196-4..
- ↑ (Gaztelaniaz) Palazon Lozano Fernando. (2006). Setas para todos. Jose Luis Añanos Echo Editorial Pirineo, 459, or. ISBN 84-87997-86-4..
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 212 or. ISBN 84-282-0865-4..
Kanpo estekak aldatu
Datuak: Q1345689
Multimedia: Cortinarius splendens / Q1345689
