Astakamamila

Astakamamila
	Irudi gehiago
Sailkapen zientifikoa
Erreinua	Plantae
Ordena	Asterales
Familia	Asteraceae
Leinua	Anthemideae
Generoa	Santolina
Espeziea	Santolina chamaecyparissus; L.

Astakamamila (Santolina chamaecyparissus) Elkartuen (Asterazeoak) taldeko landarea da, sendabelar gisa erabiltzen dena.

Kamamilaren antzeko usaina du, hortik landarearen izena, eta zapore mingotsa du.

Deskribapena aldatu

Landare hostoriraunkorra da, 50 cm-ko altuera hartzen duena. Hosto estuak ditu, zati luzexkatan banatuak. Gris-berde kolorekoak dira eta usaintsuak.

Lore antzeko gerba bakunak ditu, horixkak, adarren muturrean. Infloreszentzia osatzen duen lore bakoitza hodi itxurakoa da^[1].

Fruitua karratu itxurakoa da.

Hedapena eta habitata aldatu

Jatorrian Europan badu ere Afrika iparraldera eta Ipar Amerikara ere zabaldu da.

Toki lehorretan eta harritsuetan hazten da, Mediterraneoko karezko lurretan bereziki. Behin indarra hartzen duenean gai da lurzoru lehor eta pobreetan bizitzeko^[2].

Erabilera aldatu

Ohar medikoa

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Sendabelar gisa erabiltzen da. Heste zizareak hiltzen ditu eta tripako minei aurre egiteko kamamilaren ordezko bezala erabiltzen da gerben infusioa.^[3] Antibiotikoa eta desinfektatzailea ere bada^[4].

Sitsen aurka egiteko armairuetako tiraderatan jartzen da.

Erreferentziak aldatu

↑ RHS A-Z encyclopedia of garden plants. United Kingdom: Dorling Kindersley, 1136 or. ISBN 978-1405332965..
↑ «Santolina chamaecyparissus - Plant Finder» www.missouribotanicalgarden.org (Noiz kontsultatua: 2023-11-06).
↑ Lur entziklopedietatik hartua.
↑ Dr. Berdonces I Serra. (1998). «Santolina chamaecyparissus». Gran Enciclopedia de las Plantas Medicinales. Tikal ediciones, 43-44 or. ISBN 84-305-8496-X..

Kanpo estekak aldatu

Datuak: Q1543811
Multimedia: Santolina chamaecyparissus / Q1543811
Espezieak: Santolina chamaecyparissus

[1] RHS A-Z encyclopedia of garden plants. United Kingdom: Dorling Kindersley, 1136 or. ISBN 978-1405332965..

[2] «Santolina chamaecyparissus - Plant Finder» www.missouribotanicalgarden.org (Noiz kontsultatua: 2023-11-06).

[3] Lur entziklopedietatik hartua.

[4] Dr. Berdonces I Serra. (1998). «Santolina chamaecyparissus». Gran Enciclopedia de las Plantas Medicinales. Tikal ediciones, 43-44 or. ISBN 84-305-8496-X..

[1]

[2]

[3]

[4]