Sant'Andrea eliza (Pistoia)

Sant'Andrea (Pieve di Sant'Andrea) Toscanako Pistoian dagoen eliza da. Eraikina pieve gisa erabiltzen zen, hau da, inguruko herrien elizek baptismo egiteko erabiltzen zuten. Eliza Andres apostuluari eskainita dago. Barruan Giovani Pisanoren Sant'Andrearen pulpitua ikus daiteke. Jatorriz eliza VIII. mendekoa da baina XII. mendean handitu zuten.

Sant'Andrea eliza (Pistoia)
Irudi gehiago
Kokapena
Estatu burujabe	Italia
Eskualdea	Toscana
Probintzia	Pistoiako probintzia
Italiako udalerri	Pistoia
Koordenatuak	43°56′08″N 10°54′51″E
Historia eta erabilera
Izenaren jatorria	Andres
Erlijioa	katolizismoa
Elizbarrutia	Roman Catholic Diocese of Pistoia (en)
Izena	Andres
Arkitektura
Estiloa	arkitektura erromanikoa
Ondarea
Kontaktua
Helbidea	Via Sant'Andrea, 21

Habeartea Giovani Pisanoren Sant'Andrearen pulpituarekin.

Ezaugarriak

Fatxadak Pistoiaren estilo erromanikoko bi koloretako marmolezko dekorazio tipikoa erakusten du, XII. mendearen erdialdean Gruamontek eta bere anaia Adeodatusek egina, beraiek izan baitziren eskulturen eta atariaren arkitrabearen arduraduna. Azken horrek «Errege Magoen Bidaia» aurkezten du. Gai arraro hori eliza Via Francigenan zegoelako erabiltzen zen hemen; via horren bidez, Erdi Aroan, erromesak Erromara iristen ziren Frantziatik. Kapitel apaingarriak Enrike maisuak eginak dira, eta San Andresen estatua txikiak, atari gaineko lunetan, Giovanni Pisanoren estiloa gogorarazten du.

XV. mendearen amaieran, goiko fatxada bukatuta zegoen, eta erdiko habeartea, berriz, gangaz estalita. Absideko freskoak 1506koak dira, Bernardino del Signoracciok eginak. Alboko habeartetako aldareak XVII. mendean gehitu ziren, Cristofano Allori, Alessio Gimignani eta Girolamo Scaglia bezalako artisten pinturekin.

Kanpo estekak

• (Italieraz):Pistoiako elizbarrutiaren webgunea.
• (Italieraz):Sant'Andrea elizaren webgune ofiziala.

• Datuak: Q1148335
• Multimedia: Sant'Andrea (Pistoia) / Q1148335