Salomon van Ruysdael

margolari nederlandarra

Salomon van Ruysdael holandar pintorea izan zen (Naarden, 1600 - Haarlem, 1670).

Salomon van Ruysdael
Salomon van Ruisdael Deventer.jpg
Bizitza
Jaiotza Naarden, 1602
Herrialdea  Herbehereak
Heriotza Haarlem1670eko azaroaren 3a (67/68 urte)
Hobiratze lekua Grote Kerk (en) Itzuli
Familia
Seme-alabak
Anai-arrebak
Familia
Jarduerak
Jarduerak margolaria
Lantokia(k) Haarlem
Lan nabarmenak River View with a Man Hunting Ducks (en) Itzuli
River View with Church and Ferry (en) Itzuli
Riverbank with Old Trees (en) Itzuli
Kidetza Haarlem Guild of St. Luke (en) Itzuli
Genero artistikoa paisaia margolaritza
View of Deventer Seen from the North-West by Salomon van Ruisdael (1657)
Deventer, ipar-mendebaldetik (1657), Salomon van Ruysdael

Haarlemgo paisaia-margolarien taldeko kidea zen. Flandestar eta holandar pintura-tradizioari jarraituz, ikuspegiak margotu zituen, neguko paisaiak batez ere. Hasierako lanak 1627. urte ingurukoak dira, eta Van de Velde, Molyn eta Van Goyen maisuen eragin nabarmena dute. Van Ruysdaelen gai nagusiak ur bareko ibai-bazterrak dira, Van Goyenenak bezalaxe. Ruysdaelen teknika Van Goyenena baino mekanikoagoa eta monotonoagoa da, oro har. 1640tik aurrera, polikromia aberatsa, hotza, hasi zen erabiltzen; zeruak, berriz, argiak eta kolore gehiagokoak marrazten zituen, urdin argien gamakoak batez ere. Azken urteetako lanetan, Egmot-eko abadiako hondakinak obran (1664), esate baterako, osagai apaingarri eta dramatismo handikoak ikus daitezke. Horretaz gainera, 1650etik aurrera, egiturak handitzeko joera antzematen da haren lanetan. Urte horietakoak dira zenbait izadi hil; aipagarrietako bat Indioilarra (1661, Louvre) da. Ruysdaelek margolan ugari marraztu zituen, eta Europako museo nagusietan ikus daitezke. Lan nagusiak: Ibaiertza, Ibai-paisaia eta arrantzaleak, Postetxea, Herriko ostatua eta Ubide bat.

Salomon van Ruysdael, River with Fishermen
Ibai-paisaia eta arrantzaleak (1660), Salomon van Ruysdael

ErreferentziakAldatu