Sabbat

Sabbaterako mahaia: Kidush kopa, ogi estaliak eta kandelak.

Sabbat edo Sabbath (hebreeraz: שַׁבָּת‎, ʃa'bat ahoskatua, eusk. atsedenaldia edo etena) Juduen astearen zazpigarren eguna da. Katolikoen igandearen antzekoa da, baina ez da inolako lanik egiten. Juduen asteko atseden eguna da, Jainkoaren gurtzari eskaintzen dioten eguna, alegia, larunbata edo zapatua. Berez, ostiraleko iluntzetik larunbateko iluntzera hartzen du.

Sabbata Mendebaldeko kulturan

Hitza greko (sabbatton) eta latin (sabbatum) hizkuntzetara igaro zen, eta azken horretatik hizkuntza erromanikoetara. Mendebaleko euskarak ere jaso zuen hitza latinetik: zapatu.

Erdi Arotik aurrera, sorginen bilkurekin lotu zituzten sabbat-eko ospakizunak juduen aurka zeuden kristauek, eta kutsu hori gorde du egun arte hitz horrek Mendebaleko literaturan.

Kanpo estekak

• Datuak: Q102477
• Multimedia: Shabbat

Artikulu hau erlijioari buruzko zirriborroa da. Wikipedia lagun dezakezu edukia osatuz.