Rugosomyces persicolor
Rugosomyces persicolor Lyophyllaceae familiako onddo espezie bat da.[1] Balio gastronomiko gutxi du.
Rugosomyces persicolor | |
---|---|
![]() | |
Sailkapen zientifikoa | |
Erreinua | Fungi |
Klasea | Agaricomycetes |
Ordena | Agaricales |
Familia | Lyophyllaceae |
Generoa | Calocybe |
Espeziea | Calocybe persicolor Singer, 1962 |
Sinonimoak: Calocybe persicolor, Lyophyllum persicolor, Agaricus carneus.
Deskribapena
aldatuKapela: 2 eta 4 cm bitarteko bitarteko diametrokoa, ganbiletik zabaldura, titidun samarra, ertz inbolutuarekin. Kapelaren azala matea, belusatua, gorrixka edo arrosa-haragi kolorekoa.
Orriak: Adnatu eta eskotatuen artekoak, zuriak.
Orri eskotatuak: Oinera iritsi baino lehentxeago eskote txiki bat duten orriak.
Hanka: 3 eta 5 cm bitarteko garaierakoa, kurbatua, kapelaren kolorea baino apur bat argiagoa, zertxobait belusatua, oinarri iletsua mizelio hondakinekin.
Haragia: Zuria, irin edo fruta usainarekin eta zapore meleka desatseginarekin. Espora-jalkina zuria.[2]
Etimologia: Calocybe terminoa grekotik dator eta kapela edo buru eder batekin esan nahi du. Persicolor epitetoa ere grekotik dator, muxika esan nahi duen “persicon melon” hitzetik. Bere koloreagatik.
Jangarritasuna
aldatuJangarri kaskarra.[3]
Nahasketa arriskua
aldatuRugosomyces carneus delakoarekin nahas daiteke, honek ez du usainik, ez irinarena eta ez frutarena, belusatu gabea da, bakarrik hazten da (ez soropildua).[4]
Sasoia eta lekua
aldatuUdaren amaieran eta udazkenean. Urria. Belar eremu irekietan, basoko soilguneetan (pinua …), bide bazterretan, arekatan. Kolonia handiak osatuz soropildua hazten da.
Banaketa eremua
aldatuKanada, Ameriketako Estatu Batuak, Europa, Errusia, Kaukasia.[5]
Erreferentziak
aldatu- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 277 or. ISBN 84-282-0253-6 (T.I). ISBN: 84-282-0538-8 (O.C.)..
- ↑ (Gaztelaniaz) AVM Asociacion Vallisoletana de Micologia 1986.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Calocybe persicolor: GBIF—the Global Biodiversity Information Facility.