Pyramiden (piramide, eskandinaviar hizkuntza gehienetan, errusieraz: Пирамида, Piramida) Svalbardeko (Norvegia) Spitsbergen uharteko kokalekua da, ikatz meatzaritzaren inguruan sortuta. Suediak sortua 1910ean[1], 1927an saldu zion Sobiet Batasunari. Kokaleku hau 1998an hustu zuten eta gaur egun utzita dago, azpiegitura eta eraikin gehienak oraindik bertan daudelarik.

Pyramiden
Пирамида
giza kokalekua
Plaza nagusia Irudi gehiago
Administrazioa
Herrialdea Norvegia
EskualdeaSvalbard
Izen ofizialaPyramiden
Jatorrizko izenaПирамида
Geografia
Koordenatuak78°39′22″N 16°19′30″E / 78.6561°N 16.325°E / 78.6561; 16.325
Map
Azalera2 km²
Altuera37 m
Demografia
Biztanleria6
Informazio gehigarria
Sorrera1910

Billefjorden fiordoaren ondoan dago kokaturik, Spitsbergen irlan, eta kokaleku ondoan dagoen piramide formadun menditik datorkio izena. Svalbardeko kokaleku nagusia, Longyearbyen 50 km-ra dago, hegoalderantz, Barentsburg 100 km-ra hego-mendebalderantz eta Ny-Ålesund ikerketa kokaleku txikia, 100 km mendebalderantz.

Historia aldatu

Pyramiden suediarrek sortu zuten 1910ean[1] eta Sobiet Batasunari saldu zioten 1927an.

Errusiar estatuko jabetza duen Arktikugol enpresa da kokalekuko jabea Barentsburgekoarekin batera. Pyramiden 1000 biztanletik gora izatera iritsi zen. 1998ko martxoaren 31an, azken ikatza atera zen meatzetik eta bertako azken biztanleak urriaren 10ean utzi zuen Pyramiden[2]. 2007ra arte, praktikan herri hustua izan da Pyramiden eta eraikin barruetan kokalekua hustu zeneko horretan diraute gauzek. Gaur egun behin betiko biztanlerik ez badu ere, turismo eta mantenketa zerbitzuetaz arduratzen diren sasoiko zenbait bizilagun izaten dira bertan.

Munduan iparralderen dauden kontzertu-pianoa, Vladimir Leninen monumentua eta igerilekua, bertan daude[3].

Iruditegia aldatu

Erreferentziak aldatu

  1. a b (Suedieraz) Sveriges okända ockupation. Populär Historia, 14 Mars 2001
  2. (Ingelesez) Nuwer, Rachel. «A Soviet Ghost Town in the Arctic Circle, Pyramiden Stands Alone» Smithsonian Magazine.
  3. (Errusieraz) "Архипелаг никак"


Ikus, gainera aldatu

Kanpo estekak aldatu