Philippe Decouflé
Philippe Decouflé (Paris, 1961eko urriaren 22a) frantziar koreografoa eta antzerki-zuzendaria da. 1992ko Albertvilleko Olinpiar Jokoetan egin zen ospetsu, haietarako antolatu zituen hasiera- eta amaiera-ekitaldiengatik.
| Philippe Decouflé | |
|---|---|
 | |
| Bizitza | |
| Jaiotza | Neuilly-sur-Seine, 1961eko urriaren 22a (63 urte) |
| Herrialdea |  Frantzia |
| Hezkuntza | |
| Heziketa | National Center of Contemporary Dance (Angers, France) (en)  Lycée Rodin (en) |
| Hizkuntzak | frantsesa |
| Jarduerak | |
| Jarduerak | antzerki zuzendaria, koreografoa, film-zuzendaria, dantzaria eta Mimoa |
| Jasotako sariak | |
| cie-dca.com | |
        | |
Gaztetan, pailazo izan nahi zuen eta zirkuko eskolan aritu zen. Dantza ere ikasi zuen eta Angersko dantza garaikideko zentroan sartu zen; han, Alwin Nikolaisen ikuskizunetan parte hartu zuen. Régine Chopinot eta Karole Armitageren taldeetan dantza egin zuen, eta, ondoren, koreografian murgildu zen. Vague Café ikuskizunarekin Bagnoleteko Lehiaketako lehenengo saria lortu zuen 1983an. 1986an, berriz, Codex egin zuen. Bi film labur ere egin zituen garai horretan: La Voix des légumes (1983), Le Petit Bal (1993). 1990ean, Triton ikuskizuna erakutsi zuen Avignongo jaialdian. Frantziako Iraultzaren Bigarren Mendeurrenaren ospakizunetan, La Danse des sabots zuzendu zuen. 1995ean, Decodex ikuskizuna prestatu zuen Philippe Guillotel jostunarekin batera. 2006an, L'Autre Défilé izeneko moda-desfile bat prestatu zuen La Villette parkean, non Comédie Françaiseko eta Parisko Operako jantziak erakutsi baitzituen.
Erreferentziak
aldatuWikimedia Commonsen badira fitxategi gehiago, gai hau dutenak: Philippe Decouflé  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q3089610
Multimedia: Philippe Decouflé / Q3089610
