Patxi Aldabaldetrecu

Patxi Aldabaldetrecu
Bizitza
Jaiotza	Kantabria, 1930eko abenduaren 17a
Herrialdea	Gipuzkoa
Heriotza	2002ko martxoaren 10a (71 urte)
Jarduerak
Jarduerak	enpresaburua eta historialaria

Patxi Aldabaldetrecu (La población de Yuso, Kantabria, 1930eko abenduaren 17a- Deba, 2002ko martxoaren 10a), jaiot izenez Francisco Aldabaldetrecu Saiz, Kantabrian jaiotako enpresari eta historialari debarra da. Roke Aldabaldetrecu idazlearen anai zaharrena da.

Biografia aldatu

Eibarko Armeria Eskolan hezi zen eta bere lehenengo lanak Eibarko industrian garatu zituen. Industria-peritu ikasketak Orbea enpresan lanean zebilela amaitu zituen. Elgoibarreko IMH eta Makina erreminta Museoa Fundazioaren bultzatzaile eta suspertzailea izan zen. Bere izaera sortzaileak eskualdeko enpresarik garrantzitsuenetariko batzuen sormen eta garapenean parte hartzera eraman zuen. 1962an Debako Agme enpresa sortzen du, 1969ra arte bertako gerentea izanez. 1980ra arte Soraluze enpresakoa ere izan zen; geroago Debako enpresaren, geroago Danobat izango zena, zuzendari nagusia izan zen. Gainera, Soraluzeko, Ideko eta Makina-Erremintako gerentea izan zen, kargu horretan bere erretiroa iritsi arte izan zela. Makina-Erremintagileen Elkarteko Lehendakaria izan zen 10 urtetan zehar. Beste batzuekin batera Euskal Kosta Nuklearra ren (1975) egilea.

Bere jardunaren hein handi bat makina erreminta arloarekin zerikusirik zeukan guztian industriaren jatorriaren aurkikuntza eta garapenean zentratua egon zen. Lan horren emaitza Historia técnico-económica de la máquina-herramienta, 1982an Carmelo Urdangarinekin batera argitaratutako lana izan zen eta Máquinas y hombres (2000) ere.

Makina-Erreminta Museoa Fundazioak bere oroimenari omenaldia egin zion 2002ko ekainean.

Liburuak aldatu

Euskal Kosta Nuklearra (1975) Carmelo Urdangarin eta Jose Ramon Rekalderekin batera
Historia técnico-económica de la máquina-herramienta, (1982) Carmelo Urdangarinekin batera
Máquinas y hombres (2000)
Consideraciones sobre el proyecto de construcción de una central nuclear en Deva, bere ainai Roke Aldabaldetrecurekin batera

Patxi Aldabaldetreku Beka aldatu

2002an hildako idazle debarraren omenezko beka honen sustatzailea Ostolaza Kultur Elkartea da. Bere lehen edizioan beka hori Alazne Txurruka eta Josune Urbietarentzako izan zen Debako Euskara, izenburudun lana egiteko. Liburu hori 2004ko urtarrilaren hasieran aurkeztu zen.

Bibliografia aldatu

Orrialde honetako informazioa Auñamendi eusko entziklopediatik aterata dago.

Kanpo estekak aldatu

Datuak: Q107736262