Parafiletiko

Filogenian talde bat parafiletikoa da, bere barnean talde horretako bizidun guztien arbaso komuna hartu arren, arbaso horren ondorengo guztiak hartzen ez baditu. Talde hauetan arbaso komunaren ondorengo batzuk ez dira kontuan hartzen. Sailkapen tradizionaletan talde parafiletiko ugari dago, hala nola, kriptogamoak, ornogabeak, arrainak edo narrastiak.

Narrastiena talde parafiletikoa da. Monofiletikoa izateko hegaztiak bere barnean hartu beharko lituzke.

Narrastien kasuan, esate baterako, krokodilidoak genealogikoki hurbilago daude hegaztietatik beste sauropsido batzuetatik baino (anapsida, squamata eta sphenodontia). Hala ere, krokodilidoak narrastien barnean sarturik daude, aipatutako beste sauropsidoekin batera, baina hegaztiak kanpo. Beraz, Reptilia talde parafiletikoa da.

Adibideak

Tximino handiak deitzen den taldea orangutanak, gorilak eta txinpantzeak biltzen ditu, baina euren arbaso komunaren ondorengo guztiak ez daude bertan sartuta, gizakiak ere arbaso komun berberaren parte baitira:

Hominoidea	Hylobateak      Symphalangus Nomascus Hoolock Hylobates Orangutanak Txinpantzea Bonoboa Gizakiak Gorilak Tximino handiak

Kanpo estekak

• Datuak: Q208755
• Multimedia: Paraphyly / Q208755