Pablo Armando Fernández
Pablo Armando Fernández Pérez (Central Delicias, 1930eko martxoaren 2a - Habana, 2021eko azaroaren 3a) Kubako idazle, poeta, eleberrigile, itzultzaile, saikeragile eta antzerkigile garrantzitsua izan zen. Sari garrantzitsuak eskuratu zituen Amerikan zein Europan, esaterako, 1996an, Kubako Literatura Sari Nazionala eman zioten.[1]
| Pablo Armando Fernández | |
|---|---|
| Bizitza | |
| Jaiotza | Habana, 1930eko martxoaren 2a |
| Herrialdea |  Kuba |
| Heriotza | Habana, 2021eko azaroaren 3a (91 urte) |
| Hezkuntza | |
| Heziketa | Columbia Unibertsitatea |
| Hizkuntzak | gaztelania |
| Jarduerak | |
| Jarduerak | poeta, dramagilea, eleberrigilea, idazlea eta antzerkigilea |
| Jasotako sariak | |
| Genero artistikoa | antzerkia olerkigintza |
Biografia aldatu
Bere jaioterrian lehen ikasketak egin ondoren, 1945ean Estatu Batuetara joan zen, eta New Yorkeko Washington Irving High Schoolen ikasi zuen. Zenbait ikastaro ere egin zuen Columbiako Unibertsitatean. 1959an Kubara itzuli zen. Lunes de Revolución aldizkariaren zuzendariordea (1959-1961) eta Casa de las Américasko erredakzio-idazkaria (1961-1962) izan zen. Kubako Britainia Handiaren enbaxadako kultura aholkularia izan zen (1962-1965). Kubaren ordezkari gisa Europako batzar eta topaketa ugarietan ibili zen. Literatur sari garrantzitsuen epaimahaikide izan zen, bestetik, Casa de las Americas sarian eta Cervantes sarian tartean.
Poesia, eleberria, antzerkia eta saiakera idatzi zituen. Bere obra intimismotik arlo sozialarekin konprometitua izatera igaro zen.
Obra aldatu
Hona hemen bere lan ezagunenak:
Poesia aldatu
- Salterio y lamentación (1953)
- Nuevos poemas (1955)
- Himnos (1961)
- El libro de los héroes (1964)
- Campo de amor y de batalla (1984)
- El sueño, la razón (1988)
- Aprendiendo a morir (1995)
Eleberriak aldatu
- Los niños se despiden, Casa de las Américas, Habana, l968
- El vientre del pez, Unión, Habana, 1989; Alfaguara, Madril, 1990, Planeta, Buenos Aires, 1991.
- Otro golpe de dados, Editorial Letras Cubanas, Habana, 1993.
Saiakerak aldatu
- De Memorias y anhelos, Habana, Unión, 1998.
Sariak aldatu
Asko dira. Hona hemen batzuk:
- 1963an, Casa de las Américas sariaren aipamena El libro de los héroes olerki liburuarekin.
- 1996an, Kubako Literatura Sari Nazionala
- 1968an, Casa de las Américas saria, Los niños se despiden eleberriarekin.
- 1969an, Adonáis Olerki Sariaren akzesita Un sitio permanente lanarekin.
- 2008an, Turkiako Pen Kluben Yunus Emre saria.
Erreferentziak aldatu
Kanpo estekak aldatu
- (Gaztelaniaz):Pablo Fernández El Poder de la Palabra webgunean.
- (Gaztelaniaz):Poema batzuk.
- (Gaztelaniaz):Biografia Ecured webgunean.
Datuak: Q2734870
