Ostreopsis ovata

Ostreopsis ovata
	Irudi gehiago
Sailkapen zientifikoa
Erreinua	Chromista
Filuma	Dinoflagellata
Klasea	Dinophyceae
Ordena	Peridiniales
Familia	Ostreopsidaceae
Generoa	Ostreopsis
Espeziea	Ostreopsis ovata; [[\|]]

Ostreopsis ovata Ostreopsis generoko alga dinoflagelatu espezie bat da, hark ekoizten dituen palitoxinengatik, azalean narritadura eragiten duten fikotoxinengatik, ezaguna. Espeziea lehenengo aldiz Y. Fuyukok deskribatu zuen, 1981. urtean^[1].

Alga hau zela eta, 2020an hondartza asko itxi egin behar izan ziren Lapurdin.

Espezie hau itsaso epeletan bizi da: Mediterraneoan, Kanariar uharte eta Madeirako kostetan, Brasilen, Indotxinan, Thailandian, Indonesiako artxipielagoan eta Karibe itsasoan. Hala ere, klima-aldaketaren ondorioz Euskal Herrira iritsi eta bertan loratze toxikoak eragin ditu, Lapurdiko itsas ertzean 2020. urtean esaterako.^[2]

Euskal Herrian

2020an agertu zen lehen aldikoz Euskal Herriko itsasbazterrean Ostreopsis alga. Baina, Emmanuel Alzuri Bidarteko auzapez eta Euskal Hirigune Elkargoko ur sailaren hautetsi delegatuak 2022ko uztaila azpimarratu du, bereziki, Lapurdiko hondartzei dagokienez: «Aitzinetik batere abisurik ukan gabe, alga horren boom edo loraldi bat agertu zitzaigun; uztaileko igande arratsalde batez behar izan genituen hondartzak eta urak jendez hustu, Biarritzen, Bidarten eta Donibane Lohizunen».^[2]

Ovata motako Ostreopsis itsas belarra da garatu Euskal Herriko ur hegietan. Motarik toxikoena. Ifremer erakunde zientifikoan gaia lantzen duen Elvire Antajan laborategi zuzendariak erran duenez, lehen aldia da Europako ipar atlantikoan agertzen dela. Ovata horra arte Mediterraneoko uretan zen ezaguna, eta «2013an Portugalen hegoaldean agertu zen».^[2]

Ikerketa

Euskal Hirigune Elkargoa, Pirinio Atlantikoetako Departamendua, Gipuzkoako Foru Aldundia eta zientzia erakundeak ere biltzen dituen Itsasbazterreko Interes Zientifikorako Taldeak Europako diru laguntza gotorra erdietsi du Ostreopsis itsas belarra ikertzeko, Ostreobila ikerketa programarako. 2,2 milioi euroko aurrekontu orokorrean, 1,4 milioi eman ditu Europak (%65).^[2]

Arriskuak

Ostreopsis algaren sasoien dinamika ulertu nahi dute ikerketaren bidez, eta itsas belar horren garapena laguntzen duten ingurumen baldintzak deskribatu. Horrez gain, gizakiaren osasunean zer ondorio izan ditzakeen ikusi nahi dute, gero hori nola kudeatu jakiteko. Hats bideetako erredurak eragiten ditu nagusiki. Larrukoak ere ekar ditzake. Itsas langarrak, gainera, uretik urrunago garraia ditzake molekula toxikoak.^[2]

Erreferentziak

↑ Y. Fukuyo, « Taxonomical study on benthic dinoflagellates collected in coral reefs », Bulletin of the Japanese Society of Scientific Fisheries, n^o 47,‎ 1981, p. 967-978
↑ ^a ^b ^c ^d ^e Iñaki Etxeleku: 'Ostreopsis' algaren garapena ulertu nahi dute Berria, 2024-04-12.

Kanpo estekak

Datuak: Q1462884
Multimedia: Ostreopsis ovata / Q1462884

[1] Y. Fukuyo, « Taxonomical study on benthic dinoflagellates collected in coral reefs », Bulletin of the Japanese Society of Scientific Fisheries, n^o 47,‎ 1981, p. 967-978

[Etxeleku-2] Iñaki Etxeleku: 'Ostreopsis' algaren garapena ulertu nahi dute Berria, 2024-04-12.

[1]

[2]