Ostreopsis
Ostreopsis dinoflagelatu itsastar askeen genero bat da[1]. Alga mikroskopiko hauen espezie batzuk bentikoak dira eta beste batzuk planktonikoak. Azken hauen bloom-ak (bapateko hazkuntzak) arazo ugari sortarazten dituzte gizakien eta animalien osasunean.
| Ostreopsis | |
|---|---|
 | |
| Sailkapen zientifikoa | |
| Erreinua | Chromista |
| Filuma | Dinoflagellata |
| Klasea | Dinophyceae |
| Ordena | Peridiniales |
| Familia | Ostreopsidaceae |
| Generoa | Ostreopsis [[|]] |
Espezieak aldatu
Espezie tipoa Ostreopsis cf. siamensis da. J.Schmidt-ek deskribatu zuen 1901. urtean. Fukuyo-k beste bi espezie identifikatu zituen 1981ean, O. lenticularis eta O. ovata. Kantauri itsasoan O. siamensis aurkitzen da. Mediterraneo itsasoan aurkitzen den Ostreopsis ovata toxikoagoa da[2].
Toxikotasuna aldatu
Ostreopsis generoko algek sustantzia toxikoak ekoizten dituzte harraparien aurka egiteko. Alga kopuruak estimulatzen du sustantzia hauen ekoizpena[2]. Sustantzia toxiko gripearen edo hotzeriaren antzeko sintomak eragiten dituzte, arnasa hartzeko zailtasunak, burukomina eta hazkura begietan[3]. Itsasoan dauden pertsonez gain hondartzan daudenek ere jasan ditzakete kaltean itsasoak jaurtitako aerosloak arnastuz gero[4].
Euskal Herrian aldatu
2006-07 artean Aitor Laza biologoak eta haren taldeak egindako ikerketa batek Ostreopsis cf. siamensis identifikatu zuen Kantauri itsasoan. 2021eko abuztuan bloom bat gertatu zen eta osasun arazoak eragin zituen. Horren ondorioz Lapurdiko hainbat hondartza itxi behar izan ziren[4].
Ovata motako Ostreopsis itsas belarra da garatu Euskal Herriko ur hegietan. Motarik toxikoena. Ifremer erakunde zientifikoan gaia lantzen duen Elvire Antajan laborategi zuzendariak erran duenez, lehen aldia da Europako ipar atlantikoan agertzen dela. Ovata horra arte Mediterraneoko uretan zen ezaguna, eta «2013an Portugalen hegoaldean agertu zen».[5]
Erreferentziak aldatu
- ↑ «WoRMS - World Register of Marine Species - Ostreopsis J.Schmidt, 1901» www.marinespecies.org (Noiz kontsultatua: 2021-09-19).
- ↑ a b SL, TAI GABE DIGITALA. (2021-09-10). «Klima larrialdia, ate joka Euskal herriko kostaldean» naiz: (Noiz kontsultatua: 2021-09-19).
- ↑ (Gaztelaniaz) «Así es la Ostreopsis Siamensis, el alga tropical que ha obligado a desaconsejar el baño en las playas donostiarras» El Diario Vasco 2021-09-07 (Noiz kontsultatua: 2021-09-19).
- ↑ a b (Gaztelaniaz) Una alga tóxica levanta preocupación en la costa vascofrancesa - Europa Azul. (Noiz kontsultatua: 2021-09-19).
- ↑ https://www.berria.eus/euskal-herria/ostreopsis-algaren-garapena-ulertu-nahi-dute_2123563_102.html
Ikus, gainera aldatu
- Ostreopsis ovata, Euskal Herrian agertutako alga toxikoa.
Kanpo estekak aldatu
Datuak: Q19842630
Multimedia: Ostreopsis / Q19842630
Espezieak: Ostreopsis
