Numantiar Museoa (Soria)
Numantiar Museoa Espainiako Sorian dagoen erakundea da. Nolabait, Soriako probintziaren historia zabaldu nahi du eta, horretarako, erakusketa ugari egiten ditu. Zabaltzen dituen gaien artean garrantzi handia dute Numantziako, Tiermesko eta Uxama Argaelako aztarnategien ingurukoak.[1]
| Numantiar Museoa (Soria) | |
|---|---|
| Kultura ondasuna | |
 | |
| Kokapena | |
| Estatu burujabe |  Espainia |
| Autonomia |  Gaztela eta Leon |
| Probintzia | Soriako probintzia |
| Udalerria | Soria |
| Koordenatuak | 41°45′53″N 2°28′13″W / 41.764814°N 2.470232°W |
 | |
| Historia eta erabilera | |
| Irekiera | 1919 |
| Inaugurazioa | 1919 |
| Ondarea | |
| BIC | RI-51-0001405 |
| Bisitariak urtean | 330.030 |
| Webgune ofiziala | |
Historia aldatu
Numantiar Museoa Soriako bi museoren bat-egitetik sortu zen: Probintzia-museoa eta Numantino Museoa. Lehenengoa XIX. mendean sortu zen, 1835ean Mendizabalen Desamortizazioarekin eratu ziren Ondare Historiko-Artistikoaren Batzordeen ondorioz, eta 1913an inauguratu zuten museo gisa. Numantiar Museoa, bestetik, Numantziako aztarnategiaren estudioarekin batera sortu zen, 1870eko hamarkadan hasi eta 1906 eta 1923 bitartean garatu zena. Azkenik, 1914an, Manuel Bal Museoa sortu zen, eta 1918ko irailean inauguratu zen.
1932an museo probintzialak museo zeltiberiar izena hartu zuen. 1941ean Numantinok asimilatu zuen baina bere independentziari eutsiz. 1968an bi zentroen behin betiko eta erabateko fusioa gertatu zen, Soriako Museo Probintziala deituz hasieran, gero Soriako Museoa eta, azkenik, Soriako Museo Numantinoa. 1989an, eraikina osorik eraberritu zen, eta erakusketa-azalera 7000 m²ra handitu zen.
Museoak probintziako aztarnategien museo-jarduera koordinatzen du: Numantzia, Tiermes (Tiermes mendian), Berlangako San Baudelio ermita (Caltojar), Soriako San Juan de Duero monasterioaren aztarnak, eta Anbronako aztarnategi paleontologikoa, etab.
Eraikina aldatu
Eraikina berez museorako eraiki zen. Diseinua Manuel Aníbal Álvarez arkitektoak 1916an prestatu zuen. Inaugurazioa 1919ko irailaren 18an egin zen, Alfontso XIII.a Borboikoaren presentziarekin. Lurrak Soriako udalarenak ziren eta eraikina altxatzeko Ramón Benito Aceñaren diru-laguntza izan zuten. Lehen zuzendaria Blas Taracena arkeologoa izan zen.
Eraikinak zortzi zutabez heldutako ataria du. Jatorrizko eraikinak solairu bakarra zuen baina 1980. hamarkadan museoa hiru solairuekin eta ondoko eraikin batekin handitu zen.[1]
Erreferentziak aldatu
Kanpo estekak aldatu
Datuak: Q7069054
Multimedia: Museo Numantino de Soria / Q7069054
