Alianza Popular

Alianza Popular (AP) hasieran alderdien federakuntza eta gero Espainiako alderdi politikoa izan zen. 1989an, enbor beretik eta beste alderdi batzuekin batera, Alderdi Popularra sortu zen.

Alianza Popular (PP)
Sorrera	1976
Desegitea	19891
Egoitza nagusia	Madril
Ideologia politikoa	eskuinekoa eta kontserbadorea, espainiar nazionalista
1 Alderdi Popularraren sorrera

Historia

1976ko urriaren 9an, frankismoko ministroak buruzagi zituzten zazpi alderdik Aliantza Popular (Aliantza Popularra), AP, izeneko alderdien federakuntza sortu zuten:

• Reforma Democrática, Manuel Fraga, Informazio eta Turismo Ministro ohia, presidenteorde ohia eta Gobernazio ministro ohiak zuzenduta.
• Unión del Pueblo Español, Cruz Martínez, Garapen Plangintza eta hezkuntza eta Zientzia Ministro ohiak zuzenduta.
• Acción Democrática Española, Federico Silva, Herri Lanak Ministro ohiak zuzenduta.
• Democracia Social, Licinio de la Fuente Lan Ministro ohia eta presidenteorde ohiak zuzenduta.
• Acción Regional, Laureano López Rodó, Garapen Plangintza eta Kanpo Harremanen Ministro ohiak zuzenduta.
• Unión Social Popular, Enrique Thomas de Carranzak zuzenduta.
• Unión Nacional Española, Gonzalo Fernández de la Mora, Herri Lanak Ministro ohiak zuzenduta.

1977ko Espainiar Hauteskunde Orokorretan botoen %8,2a eta 16 eserleku lortu zituen.

1979ko Espainiar Hauteskunde Orokorretan Coalición Democrática izena hartu eta botoen %6a eta 10 eserleku lortu zituen, baina Zentro Demokratikoaren Batasuna (UCD) alderdia hondoratu eta gero, Partido Demócrata Popular eta Partido Liberal alderdiekin batera Coalición Popular sortu zuen eta, 1982ko Espainiar Hauteskunde Orokorretan, botoen %26a eta 107 eserleku lortu zituen. 1986an berriz 105 eserleku lortu zituen.

1989an, bi urteko krisialdia izan ondoren, birsortu eta Alderdi Popularra sortu zuen.

Ikus, gainera

• Alderdi Popularra.

Kanpo estekak

• Datuak: Q2838243
• Multimedia: Alianza Popular