Moshood Abiola

politikari nigeriarra

Moshood Kashimawo Olawale Abiola (Abekouta, Ogun, Nigeria, 1937 - Nigeriako Abujako espetxe batean, 1998) nigeriar enpresaburu eta politikaria izan zen.

Moshood Abiola

Bizitza
JaiotzaAbeokuta (en) Itzuli1937ko abuztuaren 24a
Herrialdea Nigeria
HeriotzaAbuja1998ko uztailaren 7a (60 urte)
Heriotza moduagiza hilketa
Familia
Ezkontidea(k)Remi Abiola (en) Itzuli
Kudirat Abiola (en) Itzuli
Seme-alabak
Hezkuntza
HeziketaBaptist Boys’ High School (en) Itzuli
Hizkuntzakingelesa
Nigerian Pidgin (en) Itzuli
Jarduerak
Jarduerakpolitikaria
Sinesmenak eta ideologia
Erlijioaislama
Alderdi politikoaNational Council of Nigeria and the Cameroons (en) Itzuli

Demokraziaren ikur eta Nigeriako erregimen militarrari aurka egin zion oposizioaren buruzagi garrantzitsuena izan zen. Nigeriako etnia garrantzitsuena den joruba etniaren buruzagia izan zen.

Biografia aldatu

Kontabilitate-ikasketak egin zituen Glasgoweko Unibertsitatean, Eskozian. Nigeriara itzulita, 33 urte zituela, Telephone and Telegraph (ITT) multinazionalaren Nigeriako sukurtsalaren zuzendari izendatu zuten, eta Afrikarako eta Ekialde Hurbilerako lehendakariorde.

Bere herriko enpresabururik boteretsuenetakoa izatera iritsi zen petrolioaren, merkataritza-itsasketaren eta prentsaren esparruetan, eta negozio pribatuetan izan zuen arrakastagatik, Midas nigeriarra izengoitia ipini zioten. Mezenas gisa ere aritu zen ikasketetarako beka ugari banatuz, eta, oro har, lan handia egin zuen bere dirua eta ezagutzak arraza beltzeko gizon-emakumeen alde erabiliz.

1978. urtean hasi zen politikagintzan, eta Alderdi Nazionalean kargu garrantzitsua izatera ere iritsi zen, baina alderdia eta politika utzi zituen, Mohamed Buhari boterera eraman zuen 1983ko estatu-kolpe militarraren aurretik.

1993. urtean itzuli zen berriro politikara Alderdi Sozialdemokratarekin, eta 1993ko ekainaren 12ko hauteskundeetan lehendakaritzarako hautagai izendatu zuten. Lehen datuen arabera, botoen ehuneko 80 lortu zuen Lagoseko estatuan (biztanle gehien dituena), begiraleen esanetan 1960an independentzia iritsi zenez geroztik Nigerian egin diren hauteskunderik garbienetan; hala ere, hauteskunde-batzordeak bertan behera utzi zituen bozketen emaitzak. 1994ko apirilean Abiolak lehendakari izateko zuen eskubidea aldarrikatu eta bere burua estatuburu izendatu zuen. Abacharen erregimenak traizioa leporatu eta kartzelatu egin zuen. 1998ko uztailaren 7an hil zen kartzelan, iturri ofizialen arabera, bihotzekoak jota, familiaren esanetan, berriz, pozoiturik.

Erreferentziak aldatu