Mezzosoprano

Mezzosoprano edo mezzo-soprano, emakumezkoaren ahotsa, soprano eta kontraltoaren artekoa; ahots hori duen emakumezkoa.

Italierako terminoa da, altuago adierazten duena. Mezzosoprano ahotsak soprano ahotsa barruan hartzen du, eta ahots oso altua izateak ahots-apaingarri konplexuak egitea ahalbidetzen du. Tinbre zorrotzeko ahotsa da, sopranoarena baino baxuagoa.

Tesitura

Mezzosopranoen tesitura

Harvard Dictionary of Musicen arabera, mezzosopranoaren tesitura mi₃ notatik fa₅ notarainokoa da. Hala ere, tesitura asko alda daiteke paper bakoitzaren ñabardura gizabanakoarenaren araberakoa baita. Mezzosoprano batek, soprano edo kontralto baten paperak abes ditzake, baina mezzosopranoak ahots-kolore ezberdina du, eta tarteko notak hobeto eusten ditu.

Mezzosoprano motak

Mezzosoprano arina

Mezzosoprano arina soprano dramatikoaren ia parekoa da, baina arintasun handiagoarekin; frantziar errepertorioaren Falcon sopranoarekin ere parekatzen da. Ahots honek musika-apaingarri benetan birtuosoak egiteko gaitasuna izan behar du.

Mezzosoprano lirikoa

Mezzosoprano lirikoa indartutako grabeak dituen ahotsa da, soprano lirikoarekin parekagarria, vibrato azkarra eta kontrolatua, eta eskalak eta arpegioak zalutasunez egiteko gaitasunarekin. Gioacchino Rossiniren obretan espezializatutako mezzosopranoak mezzosoprano rossinianoak bezala ere ezagutzen dira. Mezzosoprano lirikoen adibide batzuk dira: Elīna Garanča, Conchita Supervía, Teresa Berganza, Frederica von Stade eta Marilyn Horne.

Mezzosoprano dramatikoa

Mezzosoprano dramatikoa ahots indartsuagoa da, eta Falcon soprano ahotsetik gertuago dago. Mezzosoprano dramatikoaren adibideak dira: Grace Bumbry, Fiorenza Cossotto, Shirley Verrett, Rita Gorr, Giulietta Simionato, Dolora Zajick, Olga Borodina, Waltraud Meier, Christa Ludwig eta Stephanie Blythe.

Errepertorioa

Mezzosopranoen errepertorioa hurrengo paper dramatikoetan daude:

• Amneris, Aida (Verdi)
• Santuzza, Cavalleria rusticana (Mascagni)
• Carmen, Carmen (Bizet)
• Dalila, Samson et Dalila (Saint-Saëns)
• Venus, Tannhäuser (Wagner)
• Ortrud, Lohengrin (Wagner)
• Octavian, Der Rosenkavalier (R. Strauss)

Ikus, gainera

• Ahots tipologia.
• Soprano
• Kontralto
• Kontratenor
• Tenor
• Baritono
• Baxu

Kanpo estekak

• Datuak: Q186506
• Multimedia: Mezzo-sopranos