Martin Gaztelu Gibelalde
Martin Gaztelu Gibelalde Nafarroko Tutera herrian jaiotako Espainiako Karlos Habsburgokoaren eta Filipe II.a Espainiakoaren errege-idazkaria eta konfidantza-gizona izan zen. Haren biografiaren inguruko hipotesi ugari daude eta gerta daiteke izen bereko edo familia bereko pertsona desberdinen nahasketa izatea.
Martin Gaztelu Gibelalde | |
---|---|
Bizitza | |
Jaiotza | Tutera, 1510 |
Herrialdea | Nafarroa Garaia, Euskal Herria |
Heriotza | 1580ko irailaren 21a (69/70 urte) |
Jarduerak | |
Jarduerak | eskribaua |
Biografia aldatu
Haren jaiotzez eta heriotzez zalantza handiak daude. Haren jaiotza herria ere ez dago erabat garbi zeren eta espezialista batzuen ustez Gipuzkoako Gaztelukoa baitzen. Espainiako Karlos Habsburgokoaren eta Filipe II.a Espainiakoaren erregeen gortetan lan desberdinak eta ugari egin zituen: erregearen idazkaria, eskribaua, Maiordomo Nagusia, Karlos Habsburgokoaren idazkaria (lan hori egiteagatik 625 florin herbeheretar irabazten zuen); Filipe II.arekin aitarekin izandako funtzio batzuk gorde zituen eta gainera Calatravako Ordenaren eta Alcántarako Ordenaren idazkaria izendatu zuen.
1570an Martin Gaztelu Gibelalde, idazkari bezala, Yusteko monasterioan enperadorerekin egon zen. Beste lanen artean, honen jantzi gelan zeuden gauza guztien inbentario egin zuen. Bitxikeri bezala Espainian Aro Modernoan lehenego aldiz garagardoa egiteko sistemaren presentzia erregistratu zuen. Filipe II.a Espainiakoaren erregealdian afera ilun batean nahasia egon zen: Filiperen semea zen Karlos Austriakoa printzeak in articulo mortis koroari uko egin zion eta testamentua eman zuen Martin Gaztelukoaren aurrean.
Idazlanak aldatu
Gazteluk idazlan ugari utzi zituen, tartean Espainiako Gortearen jauregiko etiketa gordetzeko lehenetariko irizpide liburua: Etiqueta y ordenanzas que el rey don Felipe II rey de las Españas mandó se guardasen por los criados y criadas de la Casa Real de la Reina nuestra señora.[1]
Erreferentziak aldatu
- ↑ Jauregiko Fitxategia, Historia Saila, 50.kutxa, 1.zk.
Kanpo loturak aldatu
- (Gaztelaniaz):Martin Gaztelukoaren biografiaren inguruko zalantzak eta hipotesiak.
- (Gaztelaniaz):Biografia Historia Errege Akademian, Jose Luis Orellaren artikulua.