Marta Moll de Alba

piano-jotzailea

Marta Moll de Alba (Kanaria Handiko Las Palmas, ) piano-jotzailea da.

Marta Moll de Alba
Bizitza
Jaiotzako izen-deiturakMarta Moll de Alba
JaiotzaLas Palmas Kanaria Handikoa, XX. mendea
Herrialdea Espainia
BizilekuaAlemania
Espainia
Hezkuntza
Hizkuntzakgaztelania
Jarduerak
Jarduerakpiano-jotzailea eta musika-irakaslea
Kidetzaduo musikal
Musika instrumentuapianoa

Twitter: martamolldealba LinkedIn: marta-moll-de-alba-b67803a7 Musicbrainz: 546d95b8-8c5a-4b24-85fe-5e28cc4f969d Edit the value on Wikidata
Donostiako Musikenen, Euskal Herriko Goi Mailako Musika Kontserbatorioan ematen ditu eskolak

Biografia eta ibilbidea aldatu

Pianoa ikasi zuen Margarita Guerra, Cecilio Tieles, Tibor Szasz, Leontina Margulis, Vitaly Margulis eta Alicia de Larrocharekin.

Bartzelonako Liceo Kontserbatorioan[1] Piano Goi Mailako Titulua lortu zuen eta ondoren Alemaniara joan zen.

Freiburg-eko Unibertsitatean pianoa eta filosofia ikasi zituen eta Künstlerische Ausbildung saria lortu zuen Staatliche Hochschule für Musik Köln delakoan. Alexander von Humboldt Stiftung-ek eta Staatliche Hochschule Köln-ek eman zioten beka. Rubinstein Akademian eta Marshall Akademian ere ikasi zuen Alicia de Larrocharekin.

Espainiako errepertorioan espezializatu zen, eta 2003. urtean Alicia de Larrochak zuzendutako Espainiako Musikako Master bat hasi zuen, eta 2013an Oviedoko Unibertsitatean Musika Ondarearen Ikerketako Masterra egin zuen .[2]

Eskola magistraletan parte hartu zuen: Rudolf Kehrer, Vitaly Margulis, Arbo Valdma, Josep Colom, Dimitry Bashkirov, Vladimir Krainev eta Marko Antonio de Almeidarentzat jo du.

Irakasle pianista da Kataluniako Goi Mailako Musika Eskolan eta Liceuko Goi Mailako Akademian. Musikenen, Euskal Herriko Goi Mailako Musika Kontserbatorioan eta Madrilgo Alfontso X El Sabio Unibertsitatean ematen ditu eskolak.[3]

Bakarlari gisa, Espainian nahiz nazioartean jo du, Portugal, Italia, Frantzia, Israel, Egipto, Jordania, Kanada, Maroko, Txina, Japonia, Korea eta Latinoamerikan, besteak beste.[2]

2000. urtean, Damián Martínez Marco biolontxelo-jolearekin batera, Cassadó bikotea osatu zuen eta 3 urte geroago modu profesionalean hasi ziren. Rapsodia del Sur lehen diskoak omenaldia egin zion Gaspar Cassadó biolontxelo-jole eta konpositoreari, harengandik hartu baitzuten bikote-izena. Warner Classics-eko artista esklusiboak dira.[4] Mundu osoko herrialdeetako auditorioetan jardun dute: Israel, Kanada, Kolonbia, Ekuador, Argentina, Maroko, Tunisia, Frantzia, Italia, Alemania, Suitza, Portugal, Egipto, Jordania, Pakistan, Txina, Hego Korea eta Japonia.[5]

Alicia de Larrochak gomendatu zuen Cassadó bikotea "Espainiako ganbera musika-bikote distiratsuena" zela-eta.[6]

2021ean, Caminos de la Música telesaila estreinatu zen. Moll de Alba da telesail horren sortzailea eta gidoilaria, Pilar Pérez Solanoren zuzendaritzapean. Musika jendearengana hurbiltzea da helburua, kulturaren eta hezkuntzaren aldeko apustua eginez. Berak dioenez, "gure kulturak egiten gaitu benetan bakarrak, eta gizarte gisa batzen gaitu. Seriean, musikaren balioak erakutsiko ditugu, gizakiaren esentziari hain lotuta daudenak".[7]

Sariak eta aintzatespenak aldatu

Hainbat piano-lehiaketa irabazi zituen Bartzelonan, Porton eta Mannheimen.[2]

2006an, Kanaria Handia saria eman zioten Herriaren Adiskideen Errege Elkarte Ekonomikoagatik.[8]

Erreferentziak aldatu

Kanpo estekak aldatu