Marlène Schiappa

Marlène Schiappa
	; (2017) Irudi gehiago
Minister of State for the Social, Inclusive and Responsible Economy (en)
Minister Delegate for Citizenship (en)
secretary of state for equality of women and men (en)
community councillor of Le Mans Métropole (en)
municipal councillor of Le Mans (en)
Bizitza
Jaiotza	Paris, 1982ko azaroaren 18a (41 urte)
Herrialdea	Frantzia
Lehen hizkuntza	frantsesa
Familia
Aita	Jean-Marc Schiappa
Ezkontidea(k)	Cédric Bruguière (2006 - 2023)
Bikotekidea(k)	ikusi Matthias Savignac (en) ;
Hezkuntza
Heziketa	Sorbona Berria Unibertsitatea - Paris 3 ; Grenobleko Unibertsitatea ; Emlyon Business School (en)
Hizkuntzak	frantsesa
Jarduerak
Jarduerak	politikaria, idazlea, emakumeen eskubideen aldeko ekintzailea eta iritzi-kazetaria
Izengoitia(k)	Marie Minelli
Sinesmenak eta ideologia
Alderdi politikoa	Renaissance

Marlène Schiappa (Paris, 1982ko azaroaren 18a) frantziar politikaria, idazlea eta emakumeen eskubideen aldeko aktibista da. Bere herrialdeko hainbat gobernutako kide izan da, Emmanuel Macron presidente zela.

Biografia aldatu

Aita historialaria da, Trotskiren sentsibilitatekoa, eta ama institutuko zuzendaria, sindikalista, feminista.^[1] Bi ahizpa eta neba bat ditu.^[2] Aitak maiz egin dio aurka alabari komunikabideetan, Luc Mélenchon babesten duela eta, Macron presidentearen aurka.^[3]

Geografia ikasten hasi zen, baina urtebete igaro ondoren, ikasketak utzi eta komunikazio-agentzia batean lan egiten hasi zen.^[4] Ondoren, Grenobleko Unibertsitatean komunikazioan lizentziatura lortu zuen.

2008an, Maman travaille ("Ama lanean") bloga sortu zuen, familiako bizitza eta bizitza profesionala uztartzeari buruzkoa, eta 2017ra arte aritu zen.^[5]

Ibilbide politikoa aldatu

2001ean, Parisko XIV. Barrutiko udal-hauteskundeetan aurkeztutako zerrenda batekoa da.^[6] 2014. urtean, Le Manseko zinegotzi hautatu zuten, urte batzuk baitzeramatzan bertan bizitzen.

2016. urtean, Berdintasunerako Ministroaren Kabineteko kide izan zen epe labur batean.^[7]

Hurrengo urtean, Emmanuel Macron, Frantziako lehendakaritza-hauteskundeetarako hautagaiaren ehun lurralde-ordezkarietako bat bihurtu zen, eta bere konfiantza-taldean sartu zen.

Gizonen eta emakumeen arteko berdintasunaz arduratzen den estatu-idazkaria aldatu

2017ko maiatzaren 17an, Édouard Philipperen lehen gobernuan sartu zen, Emmanuel Macron presidente zela. Urte bereko urrian, kale-jazarpenaren aurkako lege bat sustatu zuen, baimen sexualaren adina handitu eta sexu-krimenen preskripzio-epeak luzatzen zituena. Lege horri kalean "Schiappa Legea" deitzen zaio.^[8]

Herritartasunerako ministro delegatua aldatu

2020ko uztailaren 6an, beste kargu bat hartu zuen Gérald Darmanin Barne Ministroarekin, Macron presidentearen lehen agintaldia amaitu arte.

Ekonomia sozial eta solidarioaz eta elkarte-bizitzaz arduratzen den estatu-idazkaria aldatu

2022ko uztailaren 4an, estatu-idazkari izendatu zuten lehen ministroaren gobernu berrian, Élisabeth Borne.^[9]

Iruditegia aldatu

G7ko ministro-bilera Turinen, genero-berdintasunari buruz, 2017.11.15
Frantziako Tourreko emakumeen eta gizonen arteko berdintasunaren aldeko tailerrak, Pernes les Fontainesen, 2018.01.12
Olivia Gazalé eta Marlène Schiappa, Parisko 2018ko Liburu Aretoan.
Marlène Schiappak Alexandra Louisi bidalitako eskutitza eman zuen, sexu- eta genero-indarkeriaren aurkako borroka indartzen duen legea ebaluatzeko, 2020.01.27
Diaryatou Bahek Marlène Schiapparen Merituaren Agindua jaso zuen, 2022.03.20