Lucrecia Arana

Lucrecia López de Arana Elorza (Haro, Errioxa, 1867ko azaroaren 23a - Madril, 1927ko maiatzak 9) tiple-kontralto abeslaria izan zen. Oso ezaguna egin zen zarzuela generoan egindako emanaldiengatik.[1]

Lucrecia Arana
1904-10-27, Nuevo Mundo, Lucrecia Arana, Franzen (cropped).jpg
Bizitza
Izen osoaLucrecia López de Arana y Elorza
JaiotzaHaro1867ko azaroaren 23a
Herrialdea Espainia
HeriotzaMadril1927ko maiatzaren 9a (59 urte)
Hobiratze lekuaSan Justoren hilerria
Familia
Ezkontidea(k)Mariano Benlliure
Hezkuntza
Hizkuntzakgaztelania
Jarduerak
Jarduerakabeslaria eta opera abeslaria
Ahots motasopranoa
kontraltoa
Musika instrumentuaahotsa

BiografiaAldatu

 
Lucrecia Aranaren erretratua

Bere aita Hirugarren Karlistaldian hil zen Don Karlosen alde borrokan, Lucrecia ume zela. Gaztetan Madrilera joan zen López Heredia enologo errioxarrak bertan zuen sukurtsalean lan egitera eta kantu klaseetara joango zen garai hartako irakasle onenekin.[2]

1887an, hemeretzi urte besterik ez zituela, Madrilgo Price antzokian "La mascota " antzezlanean bigarren mailako papera egin zuen. Julián Romea Konpainiarekin berriz, Espainiako hainbat tokitan abestu zuen. Horietako saio bat iraileko jaietan izan zen Haron, bere jaioterrian. [3]

1896an Zarzuelako antzokian aritu zen "El Gaitero" lanarekin, eta hurrengo urtean Echegaray eta Caballero maisuen "La viejecita" estreinatu zuen, Carlosen pertsonaia interpretatuz.

1898ko azaroaren 29an Madrilgo Zarzuelako Antzokian Gigantes y cabezudos estreinatu zen, zarzuela komikoa ekitalde batean eta hiru koadro, bertsotan. Miguel Echegarayren testua eta Manuel Fernández Caballeroren musika zuen eta Lucreciarentzat bereziki idatzitako zarzuela zen, Pilarren paper nagusian. Genero lirikoaren zarzuelarik adierazgarrienetako bat izango zen.

Eszenatokia 1908an utzi eta Mariano Benlliure eskultore valentziarrarekin ezkondu zen. Seme bakarra izan zuten, José Luis Mariano Benlliure López de Arana, 1898ko uztailaren 5ean jaioa eta 1981ean hil zena.

Lucrecia 1927an bere etxean hil zen garuneko enbolia baten ondorioz eta Madrilgo San Justo hilerrian lurperatu zuten. Senarrak domina bat zizelkatu zuen bere irudiarekin, orduz geroztik Madrilgo Kontserbatorioko abeslaririk aipagarrienari eman zaiona.[4]

 
Lucrecia Arana kalea bere jatorrizko Haron.

OmenaldiakAldatu

  • 1979an Haroko udalak Lucrecia Arana izena jarri zion kale bati haren omenez, ordura arte General Franco kalea deitzen zitzaionari eta 1937 aurretik La Libertad izena izan zuena.
  • 2010eko uztailaren 17an, Asociación Amigos de la Música de Zaragozak Lucrecia Aranari omenaldia antolatu zion Haron. Bere bizitzari buruzkoak ezagutzera eman ziren eta udalak plaka oroigarri bat jarri zuen Bretón Antzokian. [5]
  • 2017ko urrian eta abeslariaren jaiotzaren 150. urteurrenaren harira, Errioxako Museoak eta Mariano Benlliure Fundazioak erakusketa, kontzertu eta hitzaldi batzuk antolatu zituzten Logroñon.
  • 2019ko azaroan Haroko Musika Kontserbatorioa Lucrecia Arana berrizendatu zuten abeslaria jaio zeneko 152. urteurrenaren bezperan[6] eta bere busto bat jarri zenTorreón Museoaren sarreran[7]
 
Haroko Lucrecia Arana Musika Kontserbatorioa.

ErreferentziakAldatu

  1. Benlliure, Fundación Mariano. «Lucrecia Arana» Fundación Mariano Benlliure (Noiz kontsultatua: 2021-05-16).
  2. larioja.com. «Historias de La Rioja sin salir de casa» larioja.com (Noiz kontsultatua: 2021-05-16).
  3. El diario del día 3 de septiembre menciona que la compañía de Julián Romea va a Haro en fiestas de La Virgen de la Vega. El día siguiente dice que se les olvidó indicar que Lucrecia Arana venía con ellos. .
  4. «Lucrecia Arana (Haro) - bermemar» www.bermemar.com (Noiz kontsultatua: 2021-05-16).
  5. «Amigos de la Música de Zaragoza rinden homenaje a Lucrecia Arana» La Rioja 2010-07-18 (Noiz kontsultatua: 2021-05-16).
  6. Enseñat, Lucrecia. «En memoria de Lucrecia Arana» Fundación Mariano Benlliure (Noiz kontsultatua: 2021-05-16).
  7. «Lucrecia Arana da ya la bienvenida a los visitantes del Museo del Torreón de Haro» El Correo 2019-08-27 (Noiz kontsultatua: 2021-05-16).

Ikus, gaineraAldatu

  • Lucrecia Arana abesten
  • "La viejecita" zarzuelaren "Brindis" abesten Lucrecia Arana