Lentinus arcularius
Lentinus arcularius Polyporaceae familiako onddo espezie bat da.[1] Haritsua eta larrukara da eta horregatik jateko oso kaskarra da. Usteldura zuria sortzen du.
| Lentinus arcularius | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Polyporales |
| Familia | Polyporaceae |
| Generoa | Polyporus |
| Espeziea | Polyporus arcularius Fr., 1821 |
Sinonimoak: Polyporus alveolarius, Polyporus intermedius, Leucoporus arcularius, Polyporus arcularius.
Deskribapena aldatu
Kapela: 2 eta 6 cm bitarteko diametrokoa, biribildua, laua, ganbila edo pixka bat hondoratua erdian. Azala ezkata finekin, zahartzaroan glabroa, arre-horixka kolorekoa, okre-arrea edo arre argia, ilunagoa erdirantz. Ertza pixka bat inkurbatua, ertzean oso ile txikiekin.
Tutuak: 3 mm-ko luzerakoak, zuri-krema kolorekoak.
Poroak: Handiak, poligonalak, albeolatuak, tutuen kolore berekoak eta zertxobait dekurrenteak.
Poro dekurrenteak: Hanka ukitzeaz gain, beherantz jarraitzen duten poroak.
Hanka: Erdian edo pixka bat eszentrikoa, motz samarra, betea, zilindrikoa, ezkata finekin, kapelaren kolore berekoa.
Haragia: Zuri-krema kolorekoa, elastikoa eta zaila. Usain ahula eta zapore leuna.[2]
Etimologia: Polyporus terminoa grekotik dator, ugari, asko, esan nahi duen "poly" hitzetik eta poro, urrats, esan nahi duen "póros" hitzetik. Poro ugarirekin.
Jangarritasuna aldatu
Ez da jangarria, larrukara.[3]
Nahasketa arriskua aldatu
Polyporus brumalis delakoarekin nahas daiteke, honek poro txikiagoak ditu eta albeolatu gabeak. Polyporus mori espeziearekin ere bai, honek poro handiagoak ditu eta albeolatuak.[4]
Sasoia eta lekua aldatu
Udaberrian eta udazkenean, hainbat hostogalkorren eta zuhaixken zur hilaren gainean.[5]
Banaketa eremua aldatu
Mundu osoa.
Erreferentziak aldatu
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 629 or. ISBN 84-404-0530-8..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 525 or. ISBN 84-282-0540-X (T. 2). ISBN: 84-282-0538-8 (O.C.)..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ (Gaztelaniaz) Morales Pulido Juan, Carmona Perate José Julián. (1981). Sociedad Micologica Extremeña, Medalla de Extremadura 2019.
Kanpo estekak aldatu
Datuak: Q968142
Multimedia: Lentinus arcularius / Q968142
Espezieak: Polyporus arcularius
