Kultura-gatazka

Kultura-gatazka kultura-balio eta -sinesmen desberdinek talka egiten dutenean gertatzen den gatazka-mota bat da. Kontzepturako definizio zabal eta estuak daude, indarkeria (gerra barne) eta delinkuentzia esplikatzeko erabili direnak, mikro edo makro mailan.

Balio kontraesankorrak

Jonathan H. Turnerrek honela definitzen du kultura-gatazka: "pertsonak beren artean desadostasunean jartzen dituzten balio eta sinesmen kulturalen arteko desberdintasunek" eragindako gatazka^[1]. Mikro mailan, Alexander Grewek kultura-gatazka bat eztabaidatzen du kultura eta nazionalitate desberdinetako gonbidatuen artean, 1970eko komedia britainiar batean ikusten den bezala, Fawlty Towers. Gatazka hori honela definitzen du: pertsonek beren jatorri kulturaletik datorren portaera jakin bati buruz dituzten itxaropenak betetzen ez direnean gertatzen dena, beste batzuek jatorri kultural eta itxaropen desberdinak baitituzte.^[2]

Kultura-gatazkak konpontzen zailak dira, gatazkako alderdiek sinesmen desberdinak baitituzte.^[1] Kultura-gatazkak areagotu egiten dira desberdintasun horiek politikan islatzen direnean, bereziki makro mailan. Abortuari buruzko eztabaida da kultura-gatazkaren adibide bat.^[1] Garbiketa etnikoa kultura-gatazkaren beste adibide bat da. Gerrak kultura-gatazka baten ondorio ere izan daitezke; adibidez, esklabotzari buruzko iritziak izan ziren Ameriketako Estatu Batuetako gerra zibilaren arrazoietako bat.

Erreferentziak

↑ ^a ^b ^c Turner, Jonathan H.. (2006). Sociology. Pearson Prentice Hall ISBN 0-13-113496-5. PMC 60669025. (Noiz kontsultatua: 2021-12-16).
↑ (Ingelesez) Grewe, Alexander. (2005-10-17). "I'm sick to death with you..." or External Character Conflicts in Fawlty Towers. GRIN Verlag ISBN 978-3-638-42885-9. (Noiz kontsultatua: 2021-12-16).

Kanpo estekak

Datuak: Q5193269

[Turner2005-83-1] Turner, Jonathan H.. (2006). Sociology. Pearson Prentice Hall ISBN 0-13-113496-5. PMC 60669025. (Noiz kontsultatua: 2021-12-16).

[2] (Ingelesez) Grewe, Alexander. (2005-10-17). "I'm sick to death with you..." or External Character Conflicts in Fawlty Towers. GRIN Verlag ISBN 978-3-638-42885-9. (Noiz kontsultatua: 2021-12-16).

[1]

[2]