Kiribil-tximeleta

Kiribil-tximeleta (Aphantopus hyperantus) Euskal Herrian aurki daitekeen tximeleta bat da. Nymphalidae familiako tximeleta bat da, Europan dagoen Aphantopus generoko espezie bakarra da.

Kiribil-tximeleta
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Nymphalidae
Leinua	Satyrini
Generoa	Aphantopus
Espeziea	Aphantopus hyperantus Linnaeus, 1758
Datu orokorrak
Ostalaria	Deschampsia cespitosa

Deskribapena

Kiribil-tximeletak kolore arrea du, hegalaren ertz aldera argituz doana. Hegoen ertzak zuriak dira. Hegoetan ozelo ilun batzuk ditu kolore horizko eraztunez definituak. Hegoen azpialdean ordea ozeloak handiagoak eta ugariagoak dira.

Arren hegalak emeenak baino ilunagoak dira eta ozeloetako batzutan zantzuak baino ez dira ikusten. 38-46 mm arteko hegal zabalera duen tximeleta ertaina da.

Kiribil-tximeletaren beldarrak krema kolorea du eta marra iun batzuek apaintzen dute.

• 
  ♂
• 
  ♂ △

Bizi zikloa

Neguaren ondoren beldarrak jaiotzen dira eta udaberrian nahiko elikagai bildu dutenean krisalida eratzen dute. Tximeleta helduak ekaina eta abuztuaren artean ikusten dira.

Habitata

Baso epel eta hezeak atsegin ditu, hainbeste ezen egun lanbrotsuetan ere hegan ikusten baita. Europa mendebaldetik Japoniaraino zabaltzen da, Asia hegoaldean ordea ez da aurkitzen. 1.600 metrotako altueran ere ikusi izan da.

Iruditegia

• 
  Tximeleta goitik begiratuta
• 
  Tximeleta goitik begiratuta
• 
  Kiribil-tximeletaren azpialdea
• 
  Beldarra
• 
  Burualdea

Kanpo estekak

• Datuak: Q161520
• Multimedia: Aphantopus hyperantus / Q161520
• Espezieak: Aphantopus hyperantus