Joseba Urkiola
Joseba Urkiola Irulegi (Leitza, Nafarroa, 1986) euskal kazetari bat da. EITBko kirol erredakzioko langilea da, eta gidoilari, erredaktore zein dokumental zuzendari lanak egin ditu. 2018an ETBko kirol zuzendari izendatu zuten. Pilota partidetan esatari aritzen da eta kiroletako albistegiko aurkezle lanak ere egiten ditu. 2021etik aurrera EITBko kirol zuzendaria da.[1]
| Joseba Urkiola | |
|---|---|
 | |
| Bizitza | |
| Jaiotzako izen-deiturak | Joseba Urkiola Irulegi |
| Jaiotza | Leitza, 1986 (37/38 urte) |
| Herrialdea |  Nafarroa Garaia, Euskal Herria |
| Familia | |
| Anai-arrebak | ikusi
|
| Jarduerak | |
| Jarduerak | kirol-kazetaria |
| Enplegatzailea(k) | EITB |
  | |
Ibilbidea aldatu
Leitzako Amazabal institutuan burutu zituen lehen ikasketak, eta 2008an kazetaritzan lizentziatu zen, eta baita Euskal Filologian ere, Euskal Herriko Unibertsitatean. Ondoren, EITBko kirol erredakzioan lanean hasi zen.
ETB1en Eibar, Alavés eta Errealari buruzko albisteak eman zituen. 2017an Eibar, futbolaren tailara dokumentala zuzendu zuen. 2018an ETBko kirol arduradun izendatu zuten.[2] BBK Mendi Film Festivaleko epaimahaikidea izan da.[3] 2020ko urtarrilaren 10etik aurrera, pilota partiden esatari lanak egiten ditu, ostiral iluntzetako ETB Kantxa saioetan, Josetxo Lizartza herrikideak erretiroa hartu ostean.[4] Halaber, tarteka Gaur egun Kirolak albistegia ere aurkezten du.
2021eko otsailean EITBko zuzendaritzak organigraman aldaketak egin zituen, eta Urkiola EITB taldeko hedabide guztietako kirol zuzendaria izendatu zuten.[5] 2022an Nafarroako Kazetarien Elkarteak Teobaldo sarietako bat eman zion.[6]
Erreferentziak aldatu
- ↑ Urkizu, Urtzi. «Unai Iparragirre izango da ETBko zuzendaria» Berria (Noiz kontsultatua: 2021-02-24).
- ↑ Berria. «Joseba Urkiola izango da ETBko kiroletako buru» Berria (Noiz kontsultatua: 2021-02-24).
- ↑ «'Hartz eta Otsoekin lotan' ganador Mendi Short 2018» mendifilmfestival.com (Noiz kontsultatua: 2021-02-24).
- ↑ (Gaztelaniaz) «Joseba Urkiola, el recambio de Josetxo Lizartza» El Diario Vasco 2020-01-10 (Noiz kontsultatua: 2021-02-24).
- ↑ «Transformazioa eta zeharkakotasuna, EITBko Zuzendaritzako izendapenen bereizgarri» EITB Euskal Irrati Telebista 2021-02-23 (Noiz kontsultatua: 2021-02-24).
- ↑ «Joseba Urkiolak jasoko du Nafarroako Kazetarien Elkarteak ematen duen Teobaldo sarietako bat» EITB 2022-09-30 (Noiz kontsultatua: 2022-10-04).
Kanpo estekak aldatu
- Joseba Urkiolari elkarrizketa. 2013ko azaroaren 22a. Diariovasco.com (Gaztelaniaz)
- Joseba Urkiolari elkarrizketa, 2020ko ekainaren 11. Berria.eus
Datuak: Q56872013
