Joanes Haraneder

Joanes Haraneder
Bizitza
Jaiotza	Donibane Lohizune, 1669
Herrialdea	Lapurdi, Euskal Herria
Heriotza	? ( urte)
Jarduerak
Jarduerak	apaiz katolikoa, itzultzailea eta idazlea
Mugimendua	Sarako Eskola
Sinesmenak eta ideologia
Erlijioa	katolizismoa

Joanes Haraneder (Donibane Lohizune, Lapurdi, 1669 - ????) euskal idazlea izan zen, apaiza, eta bereziki Ebanjelioak eta debozionezko liburuen itzultzailea.

Biografia

Joannes Haranederren Philotea, edo devocioneraco bide erakusçaillearen lehenbiziko edizioaren azala (Tolosa Okzitania, 1749).

Joanes Haraneder familia nobletik zetorren eta bere jaioterrian bertan egon zen apaiz. Itun Berriaren lehen euskarazko itzulpen katolikoa egin zuen. Lau Ebanjelioak, Apostoluen Eginak, Gutunak eta Apokalipsia jasotzen zituen itzulpenaren eskuizkribua 1740. urtekoa bazen ere, ez zen 1855. urte arte argitara eman, Dassance eta Harriet apaiz eta argitaldariek egokitu zuten arte, alegia, Jesu-Christo gure Iaunaren Testament Berria izenburuarekin. Lau Ebanjelioak baino ez zituen jasotzen, ordea. Mitxelenaren ustez, Haranederrek laguntzaileak izan zituen. Patxi Altunak eskuizkribu osoa Jesu Christoren Evangelio Saindua izenburupean (Euskaltzaindia, 1990) argitaratu zuen. Philotea, edo devocioneraco bide erakusçaillea Haranederren bigarren itzulpena 1749. urtean argitaratu zen Okzitaniako Tolosan, Silvain Pouvreauk 1664rako euskaratua bazuen ere. Handik urtebetera, Aita Lorenzo Scupoliren Combattimento espirituale liburuaren itzulpen lana argitaratu zuen, Gudu izpirituala izenburuarekin.

Joanes Haranederren Testament Berriaren itzulpena. 1750, eskuizkribua.

Jesu Christoren Evangelio Saindua (1740; Bilbo, 1990)
- Ikus eskuizkribua digitalizatua Bilketa atarian.
- Ikus liburu inprimatua digitalizatua (1855) Gallica-n.
Philotea edo devocioneraco bide erakusçaillea (Okzitaniako Tolosa, 1749)
- Ikus liburua digitalizatua Gallica-n.
Gudu izpirituala (Tolosa, Okzitania, 1750)
- Ikus liburua digitalizatua Bilketa atarian.

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2012-01-10 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.