Joana Eroaren etxea

Joana Eroaren etxea edota Egiluz etxea Gipuzkoako Hondarribia udalerriko Alde Zaharrean dagon eraikin bat da. Izena ustez, 1502an Joana Gaztelakoa erreginak bertan ostatu hartu omen zuelako datorkio.

Joana Eroaren etxea Egiluz etxea
Kultura ondasuna
Hondarribiko hiri historikoa
Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Hondarribia
Koordenatuak	43°21′49″N 1°47′32″W
Historia eta erabilera
Eraikuntza	XVII. mendea
Arkitektura
Estiloa	pizkundetar arkitektura
Ondarea
BIC	RI-51-0001505
97

Eraikina

Etxea noizkoa den eta zer estilotakoa den, ez dago gutiz garbi, baina badirudi XVI. mendearen bukaerakoa dela, eta estiloz, berriz, pizkunde herrerianoa.

Oinplano laukizuzena du, eta aurreko aldea, nagusia, harri landuz egina (gainerakoak manposteriazkoak dira). Aurreko aldean, harlanduzko kateak kuxindura moduan jarriak ditu izkinetan, eta sistema bera du solairuen arteko inpostetan eta taulamenduaren azpiko erlaitzean.

Baoak dinteldunak dira, eta kuxindura dute inguru guztian. Bi solairu ditu, eta aurreko aldea hiru ardatzetan antolatua dago. Beheko solairuan, sarbidea du erdian, janbetan kuxindurak dituela, eta gainean, frontoi makotua (etena dago, erdian armarria jartzeko). atearen alde bakoitzean, bao handi bat ageri da. Goiko solairuan, armarria du erdian (hondatua dago zenbait zatitan), gainean hiruki formako frontoia duela, eta leiho bat alde bakoitzean. Armarria Egiluz leinuarena da (Arabakoa zen jatorriz sendi hori). Armarriaren gainean, latinezko idazki bat dago, "Generatio Reg. Esp. Benedicetur", eta azpian ere badu gaztelaniazko idazkia, "De las órdenes de Fuenmayor".

Teilatua bi isuritakoa da, eta teilatu azpian, erlaitz molduraduna dauka. Egun ez da inor bizi, eta utzia dago.

Ikus gainera

• Gipuzkoako kultura ondasunak
• Gipuzkoako jauregi eta dorretxeen zerrenda

Kanpo estekak

• Datuak: Q20492159
• Multimedia: Casa de Juana la Loca, Hondarribia / Q20492159

Euskarazko Wikipedian bada atari bat, gai hau duena: Gipuzkoa