Joan Manuel Gisbert
Joan Manuel Gisbert (Bartzelona, 1949ko urriaren 16a) idazle kataluniarra da. Bereziki ezaguna haur literaturaren alorrean da. Haur eta Gazte Literaturaren Sari Nazionala eskuratu zuen 1985ean.
| Joan Manuel Gisbert | |
|---|---|
 | |
| Bizitza | |
| Jaiotza | Bartzelona, 1949ko urriaren 16a (74 urte) |
| Herrialdea |  Katalunia |
| Hezkuntza | |
| Hizkuntzak | gaztelania katalana |
| Jarduerak | |
| Jarduerak | idazlea eta haur literatura idazlea |
| Lan nabarmenak | ikusi
|
| Jasotako sariak | ikusi
|
| Genero artistikoa | Haur eta gazte literatura |
| joanmanuelgisbert.com | |
  | |
Biografia aldatu
Gaztetatik izan zuen musikarako, antzerkirako eta literaturarako zaletasuna. Gaztetan hil zitzaion aita, eta gazterik hasi behar izan zuen lanean familiari laguntzeko. Horrek zenbait argitaletxerekin lanean jarduteko aukera eman zion, eta horrela hasi zen liburugintzaren mundua ezagutzen.
Parisera alde egin zuen ikastera, eta handik Bartzelonara itzuli zenean argitaratu zuen lehenengo liburua, Escenarios fantásticos (1979, Gertaleku fantastikoak), izenburuak iragartzen duen bezala bere ikuskizun fantastikoak biltzen dituena. Hurrengo urtean Lazarillo saria irabazi zuen El misterio de la isla de Tókland (1982, Tókland uharteko misterioa) obrarekin, eta hari esker lortu zuen Gisbertek Espainiako haur-literaturako joera fantastikoaren aitzindari-ospea; kritikak Tolkien eta C. S. Lewisekin alderatu zuen. Hurrengo lan garrantzitsuak Leyendas del planeta Thamyris (1982, Thamyris planetako elezaharrak) eta El museo de los sueños (1984, Ametsen museoa) izan ziren, eta Haur eta Gazte Literaturako Sari Nazionala eskuratu zuen haiei esker 1985ean. Gisbertek oso obra originalak osatu ditu, eta abentura bitxiak eta misteriotsuak idatzi ditu eguneroko bizitzatik abiatuta. Aipagarriak ditu orobat: El mago de Esmirna (1969, Esmirnako aztia); El Arquitecto y el Emperador de Arabia (1988, Arkitektoa eta Arabiako enperadorea); El talismán del Adriático (1988, Adriatikoko bitxia); Misterio de la Mujer Autómata (1991, Emakume automataren misterioa); Los armarios negros (1996, Armairu beltzak). Literaturaren alorrean egindako lanaz gainera, Joan Manuel Gisbertek irudimenaren garapenari buruzko eskolak ematen ditu, argitaletxe bateko aholkularia da eta hainbat jardunalditan parte hartu du.
Kanpo estekak aldatu
- (Gaztelaniaz) Joan Manuel Gisberten web-orria
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Wikimedia Commonsen badira fitxategi gehiago, gai hau dutenak: Joan Manuel Gisbert  |
Datuak: Q2843592
Multimedia: Joan Manuel Gisbert / Q2843592
