Jennifer Lawrence
Jennifer Lawrence Shrader (Louisville, Kentucky, 1990eko abuztuaren 15a) estatubatuar telebista eta zinemako aktorea da, bere ibilbidea telebistan batzuetan telebistan egindako lanekin hasi zen[1], Oskar bat eta hiru Urrezko Globo irabazi dituena.
.jpg)
Ezaguna egin zen The Bill Engval Show (2007) telesailean eta The Burning Plain (2008) eta Winter's Bone (2010) filmetan parte hartzeagatik. Bigarren honengatik Oscar, Urrezko Globoak eta SAG sarietarako proposatua izan zen. 20 urterekin, akademiako aktore onenaren sarirako proposatutako bigarren aktorerik gazteena izan zen. 2011 urtean X-Men: First Class filmean Mystique-ren rola egin zuen. 2012an, mundu mailako ospea lortu zuen Gose Jokoak liburuetan oinarritutako The Hunger Games filmari esker; Suzanne Collins idazlearen literatura-trilogian oinarrituriko lan horretan, Katniss Everdeen heroia antzeztu zuen. Pelikulak arrakasta komertziala zuen eta kritikaren goraipamenak jaso zituen. Urte horretan, Rolling Stone aldizkariak Estatu Batuetako aktore gazterik talentudunentzat hartu zuen[2].
Silver Linings Playbook (2012) filmean burututako antzezpenarengatik Emakumezko aktore onenaren Oscar Saria jaso zuen.
Biografia aldatu
Hasiera aldatu
1990eko abuztuaren 15ean jaio zen Louisvillen, Kentuckyn. Jennifer, hiru anai-arrebetatik gazteena da. Kirola eta antzeztea txiki-txikitatik izugarri gustuko izateagatik bereizten zen.
14 urterekin, New Yorkera egindako bidaiak bizitza eraldatu zion. Agente batzuk txundituta geratu ziren haien arabera inoiz ikusi zuten hotz-hotzean egindako irakurketarik hoberena begietsi ondoren, eta interpretazio udako-kurtso bat egin zezala gomendatu zieten gurasoei. Derrigorrezko Bigarren Hezkuntza bi urte lehenago amaitu zituen antzezten hasi ahal izateko.
Aktore ibila aldatu
Hasieran eta Hollywoodeko izar gehienen antzera , paper txikiak egiten hasi zen Monk, Kasu Irekia edo eta Medium[3] bezalako telesailetan. Baina askoz garrantzitsuagoa izan zen The Bill Engval Show[4] telesailean antzeztu zuen paper finkoa, Engval familiako alaba zoroarena. Telesailean bi urte eman zituen, Troni Mcburger ekoizleak bere interesak Into the welch-fields estreinatzeke zegoen telesailerantz bideratu zituenera arte.
Jennifer 2008an sartu zen zinemaren munduan, The Poker House[5] (2008) bezalako film independenteetan paper garrantzitsuak eskuratuz. Hala ere, zalantzarik gabe, bere famarako bidai-txartela The burning plain[6] (2008) pelikula izan zen, non Mariana nerabearen papera egiten zuen.
2010an, John Hawkes eta Garret Dillahuntekin batera protagonista izan zen Debra Granik zuzendariaren Winter´s Bone[7] filma txalotuan. Lawrence, bere familia txiroa bere kontu duen 17 urteko neskatxa baten papera egiten du, Ree izenekoa. Neskatxa honen aitak (metanfetaminak fabrikatzen dituena) euren etxearen jabetasun titulua behin-behineko askatasuna lortzeko erabili egin zuela eta epaiketan ez aurkeztekotan galdu egingo dutela jakitean, Ree Dolly[8] neskato gazteak, krimen sare lokal baten zehar aita bilatzera behartu egiten du bere burua. Kritikak txalotutako lan honek nazioarteko festibal ospetsu askotako sariak ekarri zizkion, besteak beste, Detroit Film Critics Society Award eta Stockholm International Film Festival. Honetaz gain, Oscar Sarietarako proposatu zuten 'aktore nagusirik onena'[9] kategorian, baita SAG[10] eta Urrezko Globoetarako[11][12] ere. Bere pertsonaia prestatu orduko, aurretik egurra egiten bazekien ere, Jenniferrek tirokatzen eta urtxintxak ehiza egiten ikasi behar izan zuen.
2011rako oso lan interesgarriak zituen agendan. Jodie Fosterren aginduetara The Beaver[13] komedian egin zuen lan, baita Drake Doremus zuzendariaren Like Crazy[14] izeneko filmean, honetaz aparte, X-Men: First Class[15] pelikulan Mystiquen papera lortu zuen. 2011n ondorengo pelikuletan agertu zen ere bai: House at the End of the Street[16], Truckstop[17], eta The Silver Linings Playbook[18].
2012an The Hunger Games[19] (Gose Jokoak) trilogiaren lehenengo pelikulan protagonista nagusiaren papera egin zuen, Katniss Everdeen 16 urteko neskarena, alegia.
2013an The Silver Linings Playbooken egindako paperagatik emakumezko aktore onenaren Oscar Saria irabazi zuen.
Filmografia aldatu
| Urtea | Filma | Pertsonaia | Oharrak | |
|---|---|---|---|---|
| 2006 | Company Town | Caitlin | Telefilma | |
| 2007 | Not Another High School Show | Frantic Girl | Telefilma | |
| 2008 | Garden Party | Tiff | ||
| 2008 | The Poker House | Agnes | ||
| 2008 | The Burning Plain | Mariana | Veneziako Mostra – Marcello Mastroianni Saria | |
| 2010 | Winter's Bone | Ree Dolly | ||
| 2011 | Like Crazy | Sam | ||
| 2011 | The Beaver | Norah | ||
| 2011 | X-Men: First Class | Raven Darkholme/Mystique | ||
| 2012 | The Hunger Games | Katniss Everdeen | ||
| 2012 | Devil You Know | Young Zoe | ||
| 2012 | House at the End of the Street | Elissa | ||
| 2012 | The Silver Linings Playbook | Tiffany | ||
| 2013 | The Falling | Serena Pemberton | ||
| 2013 | The Hunger Games: Catching Fire | Katniss Everdeen | Post-Produkzioan | |
| 2014 | X-Men: Days of Future Past | Raven Darkholme/Mystique | Aurre-produkzioan | |
| 2014 | The Hunger Games: Mokingjay Part 1 | Katniss Everdeen | ||
| 2015 | The Hunger Games: Mokingjay Part 2 | Katniss Everdeen | ||
| 2015 | Joy | Joy Mangano | ||
| 2016 | X-Men:Apocalypse | Raven Darkhölme/Mystique | ||
| 2016 | Passengers | Aurora Lane | ||
| 2017 | Mother | Mother | ||
| 2018 | Red Sparrow | Dominika Egorova |
| Urtea | Telesaila | Pertsonaia | Oharrak |
|---|---|---|---|
| 2006 | Monk | Mascot | "Mr. Monk and the Big Game" atala |
| 2007–2008 | Medium | Claire Chase Young Allison |
"Mother's Little Helper" eta "But for the Grace of God" atalak |
| 2007 | Cold Case | Abby Bradford | "A Dollar, a Dream" atala |
| 2007–2009 | The Bill Engvall Show | Lauren Pearson | 30 atal |
| 2013 | Saturday Night Live | Aurkezlea | Atala: "Jennifer Lawrence/The Lumineers" |
Erreferentziak aldatu
- ↑ (Gaztelaniaz) Jennifer Lawrence. 2021-04-26 (Noiz kontsultatua: 2021-05-03).
- ↑ Jennifer Lawrence: America's Kick-Ass Sweetheart. rollingstone.com (Noiz kontsultatua: 2016-01-16).
- ↑ (Gaztelaniaz) Onieva, Por Álvaro. (2015-12-04). «¿Sabías que Jennifer Lawrence y Patricia Arquette compartieron papel en una serie?» Fotogramas (Noiz kontsultatua: 2021-02-22).
- ↑ (Gaztelaniaz) «¡Comenzó con serie!, Jennifer Lawrence en The Bill Engvall Show» Show News (Noiz kontsultatua: 2021-02-22).
- ↑ (Ingelesez) Productions, Sirk. «The Inside Reel: Jennifer Lawrence "The Poker House" - video Dailymotion» Dailymotion (Noiz kontsultatua: 2021-02-22).
- ↑ (Gaztelaniaz) SensaCine. Lejos de la tierra quemada. (Noiz kontsultatua: 2021-02-22).
- ↑ (Gaztelaniaz) Winter's Bone (2010). (Noiz kontsultatua: 2021-02-22).
- ↑ (Ingelesez) «LitCharts» LitCharts (Noiz kontsultatua: 2021-02-22).
- ↑ (Gaztelaniaz) «Jennifer Lawrence gana el Oscar de mejor actriz y cae al piso» MovilAd 2013-02-25 (Noiz kontsultatua: 2021-02-22).
- ↑ (Ingelesez) «Jennifer Lawrence: SAG Awards 2013 Acceptance Speech — Watch Now!» Jennifer Lawrence: SAG Awards 2013 Acceptance Speech — Watch Now! | 2013 SAG Awards, Jennifer Lawrence : Just Jared Jr. (Noiz kontsultatua: 2021-02-22).
- ↑ «Jennifer Lawrence, mejor actriz de reparto en los Globos de Oro 2014 - Jennifer Lawrence, la mejor vestida de 2014 - Foto en Bekia Actualidad» www.bekia.es (Noiz kontsultatua: 2021-02-22).
- ↑ «Jennifer Lawrence posando con su premio de los Globos de Oro 2016 - Ganadores de los Globos de Oro 2016 - Foto en Bekia Actualidad» www.bekia.es (Noiz kontsultatua: 2021-02-22).
- ↑ (Ingelesez) Blair, Forest. «The Beaver - Jennifer Lawrence & Anton Yelchin - Radio Dept (Closing Scene) P1 - video Dailymotion» Dailymotion (Noiz kontsultatua: 2021-02-22).
- ↑ (Italieraz) International, FilmIsNow Movie Trailers. «Like Crazy - Trailer - Video Dailymotion» Dailymotion (Noiz kontsultatua: 2021-02-22).
- ↑ (Gaztelaniaz) SensaCine. «Jennifer Lawrence es Mística en 'X-Men: First Class'» SensaCine.com (Noiz kontsultatua: 2021-02-22).
- ↑ (Gaztelaniaz) SensaCine. «'House at the End of the Street': más imágenes con Jennifer Lawrence» SensaCine.com (Noiz kontsultatua: 2021-02-22).
- ↑ «Jennifer Lawrence y Jackson Rathbone en 'Truckstop'» Jennifer Lawrence y Jackson Rathbone en 'Truckstop' (Noiz kontsultatua: 2021-02-22).
- ↑ (Gaztelaniaz) El lado bueno de las cosas (2012). (Noiz kontsultatua: 2021-02-22).
- ↑ (Gaztelaniaz) «Jennifer Lawrence presenta en Madrid el fenómeno de «Los juegos del hambre»» abc 2012-03-27 (Noiz kontsultatua: 2021-02-22).
Kanpo estekak aldatu
- (Ingelesez) Webgune ofiziala
Datuak: Q189490
Multimedia: Jennifer Lawrence / Q189490
