Jasokundearen eliza (Getze Galar)

Andre Mariaren Jasokundearen eliza Getze Galar (Nafarroa Garaia) herriko eliza da, Galar zendea eta udalerrian.

Jasokundearen eliza (Getze Galar)
Irudi gehiago
Kokapena
Herrialdea	Euskal Herria
Probintzia	Nafarroa Garaia
Udalerria	Getze
Koordenatuak	42°45′11″N 1°38′59″W

Ezaugarriak

Eliza gotikoa izan zen jatorriz, baina garai ezberdinetan birmoldaketak izan dituen eraikuntza da. Lau ataletan banatutako nabea du, eta burualde poligonala. Nabearen lehen atalean eta kapera nagusian, ganga zaharra dago, izartua, 16. mendekoa.

Epistolaren aldetik sartzen da elizara, eta atea 16. mendekoa da, arku beheratukoa, zutabe korintoarrak dituela alboetan. Estalpe batek babesten du sarrera hori, eta ondoan lorategi bat dago, non ponte-harri zahar bat gordetzen den, apaindura erromanikoekin.

Barrualdean erretaula nagusia nabarmentzen da, erromanista estilokoa (XVII. mendearen lehen erdia), Domingo Bidarte iruñearraren lana.

Kanpo estekak

• Datuak: Q126368460
• Multimedia: Jasokundearen eliza (Getze) / Q126368460