Iturraspe-Bengoetxea etxea
Iturraspe-Bengoetxea etxea Arropain (Ispaster) auzoko eraikin bat da, indiano-etxea, Ameriketatik itzulitako bi bizkaitarrek eraikitakoa 1907. urtean[1]. Etxe sendo eta dotorea da, baina beste indiano-etxeen askoren estilo efekturik gabea.
| Iturraspe-Bengoetxea etxea | |
|---|---|
 | |
| Kokapena | |
| Herrialdea |  Euskal Herria |
| Probintzia |  Bizkaia |
| Herria | Arropain |
| Koordenatuak | 43°21′23″N 2°30′23″W / 43.35632502°N 2.50650609°W |
 | |
| Historia eta erabilera | |
| Irekiera | 1907 |
Arropain ingurua emigrazio gune izan zen 19. mendeko bigarren zatian, eta bertako eta inguruko Bizkaiko parajeetako zenbait euskaldun Oregongo Jordan Valleyn ezarri ziren. Haietariko batzuek itzuli eta etxeak eraiki zituzten hantxe bertan. Horietako bi izan ziren Luis Iturraspe (Lekeition jaioa) eta Meliton Bengoetxea (Bedaroakoa), zeinak lurralde bat erosi zioten Antonio Mendieta bati, eta han etxe hau eraiki.
Lekeitioko sarreran itsatsita dago Arropain, eta 21. mendean irekitako Lekeitioko Aterpetxea parez pare du Iturraspe-Bengoetxea etxeak.
Erreferentziak
aldatu- ↑ «La comunidad vasca de Jordan Valley - Euskonews» www.euskonews.eus (Noiz kontsultatua: 2022-04-05).
Kanpo estekak
aldatu
Datuak: Q111470910
