Hontzaren orduak

Hontzaren orduak
Jatorria
Egilea(k)	Jesus Mari Olaizola
Argitaratze-data	1999
Izenburua	Hontzaren orduak
Argitaletxea	Elkar
Ezaugarriak
Genero artistikoa	narrazioa
Hizkuntza	euskara

Hontzaren orduak Jesus Mari Olaizola "Txiliku" idazle zarauztarrak 1999an plazaratu zuen liburuaren izenburua da. Liburuan bost ipuin biltzen dira; ipuinak izanik haien arteko lotura garbi dago, eleberri modukoa osatuz. Hizaurrea Anjel Lertxundik egin zuen.

Argumentoa

Ehiztari jendea gutxitan agertu izan da euskal literaturan eta horiek dira, alegia, lan honetan protagonismoa hartzen duten pertsonaiak. Gai horrek nolabait Miguel Delibes Espainiarra burura dakarkigu.^[1] Horrela dio liburuaren komentarioak: «debekatutako ehiza, armen distira, odolaren lilura… Sentimen primarioz eta atabismoz beteriko gizarte itxiak, gizonezkoen unibertso txikiak dira bertan ageri direnak: elkarte gastronomikoa, soldaduen kuartela… Girotze-lan bikaina lortu du egileak, baina, Anjel Lertxundik hitzaurrean dioen bezala, ironia izan da Txilikuren arma nagusia, bai kostunbrismoa eta bai honen kontrakarrean sorturiko tremendismoa gainditzeko.»^[2]

Estiloa

Indarrez eta nerbioz beteriko lau ipuin hauetan badira zenbait hari eta elementu, erdi ezkutuan bezala, denen artean eleberri moduko bat osatzen dutenak. Ipuin nahiz eleberri, kontakizun-sorta gihartsu bat da, hizkera natural bezain sinesgarriz giza arimaren zenbait alderdi ilun erakustera datorrena. Zentzu horretan eszena batzuen gordintasuna aipatu behar da, esaterako oreinaren ehizaren eszena bera.

Jasotako ipuinak

Lau dira:

«Hontzaren orduak»
«Adur gaiztoa»
«Bentara noa, bentatik nator». Ipuin hau Jose Jabier Fernandezen ustez maisulana da.^[1]
«Hontza uluka»

Lotutako ipuinak

Liburuko ipuinek zenbait elementuk txirikordatzen dituzte:

Krudelkeria eta heriotza landa-munduan; zentzu horretan kostunbrismotik haratago doa Txilikuren lana.^[3]
Pertsonaia amankomunen agerpena.
Lehenengo hiruren jarraipen narratiboa.
ontzaren presentzia; haren ulua zoritxarraren iragarpen gisa.

Bibliografia

Jexux Mari "txiliku" Olaizola Lazkano: Hontzaren orduak, Donostia: Elkar, 1999, 160 or. ISBN: 978-84-8331-410-4.

Erreferentziak

↑ ^a ^b https://kritikak.armiarma.eus/?p=2780
↑ https://elkarargitaletxea.eus/liburuak/hontzaren-orduak/
↑ Anjel Lertxundiren hitzaurrean, 10.or.

Kanpo estekak

Markos Zapiainen komentario liburuaren inguruan Euskaldunon Egunkarian, 2002-02-26an.

Datuak: Q57671265

[#1-1] ttps://kritikak.armiarma.eus/?p=2780

[2] ttps://elkarargitaletxea.eus/liburuak/hontzaren-orduak/

[3] Anjel Lertxundiren hitzaurrean, 10.or.

[1]

[2]

[3]