Haizealdeko uharteak

Haizealdeko uharteak
Haizealdeko uharteak
Mota	uharte multzoa
Geografia
Koordenatuak	15°14′31″N 61°40′37″W / 15.242°N 61.677°W
Honen parte da	Antilla Txikiak
Ur-gorputza	Karibe itsasoa

Haizealdeko uharteak^[1]^[2] Antilla Txikietako uhartedi bat dira, Puerto Ricotik Venezuelako Paria golkoraino hedatzen dena. Haize alisioen eragina duten uharteak dira. Martinika, Dominika, Grenada eta Grenadinak, Santa Luzia eta Saint Vincent, eta Trinidad eta Tobago uharteek osatzen dute uhartedia. Britainiarren eta frantziarren mendeko koloniak izan ziren; XVII eta XVIII. mendean Ingalaterrak eta Frantziak aldi berean bereganatu nahi izan zituzten; Britainiak hartutako uharteak 1962. urtea arte Antilla Britainiarren Elkarteko kide izan ziren. Gaur egun Martinika uhartea Frantziaren mendeko lurraldea da; Dominika, Santa Luzia eta Grenada lurralde burujabeak; Saint Vincent Mendebaleko Indietako Estatu Elkartuen taldekoa, eta Grenadina uhartediko uharte batzuek Grenadarekin eta besteek San Vicenterekin dituzte harremanak. Azukre kanabera lantzen da uharte gehienetan, eta turismoak garrantzi handia du.

Haizealdeko uharteak izeneko beste uhartedi batzuen berri izateko, ikus: «Haizealdeko uharteak (argipena)»

Hizkuntza arteko aldeak

Antilla Txikiak taldeka sailkatzean, alde nabarmena dago ingelesaren eta inguru hartako Mendebaldeko gainerako hizkuntza nagusien (frantsesa, gaztelania eta nederlandera) artean:

Hizkuntzak	Haizealdeko uharteak	Haizebeko uharteak
Frantsesa, gaztelania eta nederlandera	Haizealdeko uharteak	Haizebeko uharteak
Ingelesa	Windward Islands	Leeward Islands

Ikus, gainera

Haizebeko uharteak

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2013/4/24 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ Euskaltzaindia: 70. araua: Mundu zabaleko uharte nagusiak.
↑ Euskaltzaindiak, euskara baturako eman duen 170. arauan (Amerikako toponimia), Haizaldeko uharteak izena onartu du. Hala ere, Euskaltzaindiko Exonomastika batzordeko idazkari Alfontso Mujikak adierazi duenez, «idazte-akatsa da, garbi-garbi» eta «Haizealdeko behar du» (ikus ItzuL posta zerrendara 2012ko azaroaren 29an bidalitako mezua).

Kanpo estekak

Datuak: Q107049386
Multimedia: Windward Antilles / Q107049386

[1] Euskaltzaindia: 70. araua: Mundu zabaleko uharte nagusiak.

[2] Euskaltzaindiak, euskara baturako eman duen 170. arauan (Amerikako toponimia), Haizaldeko uharteak izena onartu du. Hala ere, Euskaltzaindiko Exonomastika batzordeko idazkari Alfontso Mujikak adierazi duenez, «idazte-akatsa da, garbi-garbi» eta «Haizealdeko behar du» (ikus ItzuL posta zerrendara 2012ko azaroaren 29an bidalitako mezua).

[1]

[2]