Greco lurmuturra
Greco lurmuturra (grezieraz: Κάβο Γκρέκο, turkieraz: Poyraz Burnu) Zipre uhartearen ekialdean dagoen lurmutur bat da, Zipreko Errepublikak ekialderen duen puntua.
| Greco lurmuturra | |
|---|---|
 | |
| Datu orokorrak | |
| Garaiera | 7 m |
| Mota | lurmutur eta headland (en)  |
| Azalera | 385 km² |
| Geografia | |
 | |
| Koordenatuak | 35°00′N 34°01′E / 35°N 34.02°E |
| Ur-gorputza | Mediterraneoa |
Gibraltarretik Zipreraino doan "European Long Distance Trail E4" ibilbide luzearen amaieran kokaturik dago[1].
Etimologia aldatu
Izenak "Greziarren lurmuturra" esan nahi du italieraz.
Geografia aldatu
Famagustako badiaren hegoaldeko muturra da eta Ayia Napa udalerriari dagokio. Turismoguneak diren Ayia Napa eta protaras herrien artean kokaturik dagoenez babesteko Natur Parkea izendatu zen 1993an eta Natura 2000 programaren barnean sartu zen[2].
Kostaldean urpeko sakanak daude eta 10 metrotako altueran "jauregi" esaten zaien leizeak agertzen dira, itsasoak higatu dituenak. Itsasotik baino ezin da berauetara sartu.
Fauna eta flora aldatu
Greco lurmuturreko Natur Parkeak 385 km2-ko azalera du. Antzina ipuru baso batek estaltzen zuen[1], baina 1910 eta 1920 artean gehiena moztu eta erre egin zen Paralimni eremuan zeuden irin-errotei eragiteko[3]. Ordutik poliki bada ere basoa berriz osatuz joan, baina ipuru eta pinuak baino gehiago zuhaixkak eta altuera txikiko landareak nagusitzen dira, tartean Zipreko 14 espezie endemiko[3]. Landare ugariena Ziprekoa ez den akazia mota bat da (Acacia saligna edo Acacia cyanophylla) eta inbaditzailea denez berau erauzteko ahaleginak egiten ari dira[2].
Natur Parkean ehiza debekaturik dago eta ugaztunen artean ugarienak azeriak, erbiak eta trikuak dira[3]. Hegazti migratzaileentzako pausaleku garrantzitsua da eta 71 espezie zerrendatu dira. Muskerrak eta tximeleta espezie ugari ere aurkitzen dira[2].
Historia aldatu
Indusketa arkeologikoek erakutsi dute Zipreko asentamendu zaharrenak bertan izan zirela. 2007an II. mendeko untzi baten hondarrak aurkitu ziren kostaldean[2].
Britainiarrek itsasargi bat eraiki zuten, Pafosko gazteluan ezarritakoaren ondoren Zipren eraikitako bigarrena izan zen[2].
Ondasun nabarmenak aldatu
Honako eraikin hauek aurktzen dira Greco lurmuturrean:[4]
- Saint Anargyroi kapera
- Afroditaren tenpluaren hondarrak
- Itsasargia
Iruditegia aldatu
-
Airetiko ikuspegian penintsula itxura nabarmen ikusten da. -
Haitzuloa. -
Haitzuloa. -
Haitzuloa. -
Itsasargia.
Erreferentziak aldatu
- ↑ a b (Ingelesez) «Cape Greco Peninsula» Cyprus Island 2017-03-15 (Noiz kontsultatua: 2020-12-19).
- ↑ a b c d e Cape Greco or Cavo Greco - Explore Cape Greco in Ayia Napa. https://www.cyprusalive.com/.
- ↑ a b c (Ingelesez) «Cape Greco National Forest Park Ayia Napa» Love Ayia Napa (Noiz kontsultatua: 2020-12-19).
- ↑ «Cape Greko» HeartCyprus - Where Your Heart Belongs (Noiz kontsultatua: 2020-12-19).
Kanpo estekak aldatu
Datuak: Q1672526
Multimedia: Cape Greco / Q1672526
