Gay Hiztegia

Gay Hiztegia Aitor Aranak 2005ean Txalaparta argitaletxearen bidez plazaratu zuen euskarazko hiztegi berezitua da.

Gay Hiztegia
Jatorria
Egilea Aitor Arana
Argitaratze-data 2005
Jatorrizko izenburua Gay Hiztegia
ISBN 978-84-8136-401-9
Orrialdeak 228
Ezaugarriak

OsaketaAldatu

Gizonezko homosexual eta bisexual euskaldunen artean erabiltzen diren izenek, adjektiboek eta esamoldeek osatzen dute nagusiki hiztegia, baina lesbiana, polisexual, pansexual eta transexualek ere, badute tokia hiztegian. Euskal Herriko Gay Askapen Mugimenduak kaleratzen zuen Gay Hotsa aldizkarian, 1988an, azaldu zen Gayztegia izan zuen Aitor Aranaren lan honek oinarri. Ahalegin hari, hiztegiek, herri-hizkera bilketek, liburuek, aldizkariek eta galdeketek eskaini diotena gehitu zien autoreak[1].

SarrerakAldatu

1.300 sarrera ditu hiztegiak[1]. Adibide batzuk[2]:

banana zuritu: Kanpaia jo. / Hi beti jo eta ke banana zuritzen.

berria: Gay giroan edo beste edozein ingurutan lehenbizikoz azaltzen den mutila edo neska. Esperientziarik ez duenaz ere esaten da.

begiluzea: 'Voyeur' gay euskalkian esanda.

Bilbon ibili: 1. Larrua jo. 2. Ligatzen ibili. Mutilak mutiletan eta neskak neskatan ibili.

buelta osoa egin: Bi gay ohean sexuketan ari direnean, lehenengo batak eta gero besteak, biek elkar zulatu dutela adierazteko esamoldea. / Kikek eta biok normalean buelta osoa egiten dugu.

Autorearen hautuz, ez da hiztegi estandar bat non irakurleak beste hiztegietako idazkera itxuraz neutro eta aseptikoa topatuko duen. Zenbait definiziotan iritziak ematen dira, latzak ere bai. Elizari dagokion definizioan, adibidez, honako hau idatzi du egileak: "Gay, lesbiana, bisexual eta transexual gehien-gehienak ia aipatu orduko haserretzen dituen erakunde erlijiosoaren izena. Hipokrita, boterezale eta diruzale hutsa izateaz gainera, bere egia ezarri nahi izaten du gizaki ororen gainetik, bortxaz eta gezurrez hala behar izanez gero, sortzaile omen duten haren beraren esanen aurka"[2].

ErreferentziakAldatu

Kanpo estekakAldatu

  1. a b «Gay hiztegiaren berrargitalpena» Argia Noiz kontsultatua: 2018-06-10.
  2. a b Unanue, Ana. (2005-04-12). «Gay Hiztegia» Aizu Noiz kontsultatua: 2018-06-10.