Gaua. Ausentziaren itzala

Gaua. Ausentziaren itzala
Antton Valverderen albuma
Egilea(k)	Antton Valverde
Argitaratze-data	2020
Izenburua	Gaua. Ausentziaren itzala
Ekoizpen lekua	Euskal Herria
Ezaugarriak
Genero artistikoa	egile abeslaria
Deskribapena
Honen parte da	Antton Valverde-ren albumak

Gaua. Ausentziaren itzala Antton Valverde abeslariak 2020an plazaratu zuen diskoaren izenburua da. Horrekin 13 urteko isiltasuna puskatu zuen. Disko honetan lehen aldiz abeslariak gaztelaniaz eta ingelesez abestu zuen. Orokorrean diskoak joera berritzaileak erakusten du, batez ere testuetan.^[1]^[2] Izenburuak diskoaren bi zati bereizi ditu: Harkaitz Canoren gauari buruzko poemekin egindako hiru kantak, eta gainerakoak.^[3]

Ezaugarriak aldatu

Diskoko lehenengo hiru abestiak pandemiaren konfinamendu garaietan landu du abeslariak, besteak lehenagokoak ziren. Grabazioa 2020ko uztailean egin zen, Elkar estudioetan. Orokorrean bere estiloaren klasikotasunari jo badio ere, bai musika-tresnetan baita abestien itxuran ere, diskoak baditu alde berritzaileak.

Agian, bereziena da kantu beraren hiru bertsio egiten dituela. Euskarazko "Sei silabako gauak", ondoren gaztelaniaz zein ingelesez interpretatzen baitu. Harkaitz Cano eta Arkaitz Mendozaren Malgu da gaua disko-liburuak (Etxepare institutua, 2014) inspiratu ditu hiru kanta horiek.^[4]

Letren aldetik, bere lanetan ohikoak diren abesti tradizionalekin eta Xabier Lete, Lauaxeta eta Bitoriano Gandiagaren poemekin batera, Harkaitz Cano, Salbatore Mitxelena, Imanol Irigoien eta Juan Kruz Igerabideren presentzia azpimarratu behar da. Elkar argitaletxeak, plazaratzearen diskoetxea, diskoari buruz emandako azalpenetan hau nabarmentzen du: "Disko intimista da, apainduratan urria eta fin-fina, presarik gabe gozatzeko modukoa".^[5]

Gaien aldetik denbora eta heriotza gainditzen dituzten poemak oso presente daude abesti gehienetan. Bestalde Buhamejaunaren pheredikia abestia ordea, oso alaia da, Banka herriko buhameen artean beren "errege" berriaren hautatzean botoa eman dutenen izen zerrenda luzea kantatzea jolas fonetikoa dirudi: "Oxat, Garbat, Bernat eta Kurrat / Artus, pertus,Tut eta Foutut / ... / Añiña, Mañiña, Garinbandiña / eta Graxi, Zaputiña ...".

Abestiak aldatu

Hamaika abesti eta horietako abesti baten beste bi bertsio jasotzen ditu diskoak, guztira hamahiru dira:^[6]

"Sei silabako gauak" (Hitzak: Harkaitz Cano-Musika: Antton Valverde)
"Rimas nocturnas" (Hitzak: Harkaitz Cano-Musika: Antton Valverde)
"Nocturnal rhymes" (Hitzak: Harkaitz Cano-Musika: Antton Valverde)
"Joan zirenei" (Hitzak: Xabier Lete-Musika: Antton Valverde)
"In manus tuas, Domine" (Hitzak: Xabier Lete-Musika: Antton Valverde)
"Haizeen iparrerantz" (Hitzak: Juan Kruz Igerabide-Musika: Antton Valverde)
"Zenbat denbora" (Hitzak: Elisa Rueda-Musika: Antton Valverde)
"Vermeer" (Hitzak: Imanol Irigoien-Musika: Antton Valverde)
"Gorputz dago gudaria" (Hitzak: Salbatore Mitxelena-Musika: Antton Valverde)
"Erantzuna" (Hitzak: Estepan Urkiaga "Lauaxeta"-Musika: Antton Valverde)
"Buhamejaunaren pheredikia (Hitzak: Herrikoia-Musika: Antton Valverde)
"Errekan behera (Hitzak: Bitoriano Gandiaga-Musika: Antton Valverde)
"Presentzia (Hitzak: Harkaitz Cano-Musika: Antton Valverde)

Kreditoak aldatu

Antton Valverde: ekoizpena, ahotsa, pianoa, teklatua, gitarra
Moldaketak: Karlos Giménez, Antton Valverde
Biola eta biolina: Francisco Herrero
Biolontxelo: Ivan Carmona
Azala eta kontrazala: Javier Valverde
Audio ingeniaria: Víctor Sánchez

Erreferentziak aldatu

↑ «Gaua. Ausentziaren itzala» www.badok.eus (Noiz kontsultatua: 2021-06-20).
↑ Http://euskalmusikakatea.blogspot.com. (2013-12-31). «EUSKAL MUSIKA KATEA: ANTTON VALVERDE» EUSKAL MUSIKA KATEA (Noiz kontsultatua: 2021-06-20).
↑ [https://www.berria.eus/paperekoa/1953/032/001/2021-10-10/nire-musikak-ez-du-askorik-behar.htm
↑ Berria. «Hamahiru urteren ostean sortutako doinu berriak» Berria (Noiz kontsultatua: 2021-06-20).
↑ https://www.elkar.eus/eu/musika_fitxa/gaua-ausentziaren-itzala/antton-valverde/8436007086433
↑ https://www.badok.eus/euskal-musika/antton-valverde/gaua-ausentziaren-itzala/

Kanpo estekak aldatu

Datuak: Q105064711

[1] «Gaua. Ausentziaren itzala» www.badok.eus (Noiz kontsultatua: 2021-06-20).

[2] Http://euskalmusikakatea.blogspot.com. (2013-12-31). «EUSKAL MUSIKA KATEA: ANTTON VALVERDE» EUSKAL MUSIKA KATEA (Noiz kontsultatua: 2021-06-20).

[3] [https://www.berria.eus/paperekoa/1953/032/001/2021-10-10/nire-musikak-ez-du-askorik-behar.htm

[4] Berria. «Hamahiru urteren ostean sortutako doinu berriak» Berria (Noiz kontsultatua: 2021-06-20).

[5] ttps://www.elkar.eus/eu/musika_fitxa/gaua-ausentziaren-itzala/antton-valverde/8436007086433

[6] ttps://www.badok.eus/euskal-musika/antton-valverde/gaua-ausentziaren-itzala/

[1]

[2]

[3]

[4]

[5]

[6]