Gallica
Gallica Frantziako Liburutegi Nazionalaren eta haren bazkideen liburutegi digitala da. 1997az geroztik, hainbat milioi dokumentu biltzen ditu (Epub formatuko liburuak, egunkariak, aldizkariak, irudiak, soinu-grabazioak, mapa, eskuizkribuak eta bideoak).
Gallica | |
---|---|
Jatorria | |
Sorrera-urtea | 1997 |
Ezaugarriak | |
Hizkuntza | frantsesa |
Estatu burujabe | Frantzia |
Frantziaren banaketa administratiboa | Metropolitar Frantzia |
Eskualdea | Île-de-France |
Departamendua | Seine |
Territorial collectivity of France with special status | Paris |
gallica.bnf.fr | |
2010ean Gallicak miloi bat dokumentuen muga gainditu zuen, sei milioi 2020an, zortzi milioi 2021eko martxoan[1], bederatzi milioi 2022ko urrian eta hamar milioi 2023ko martxoan.[2][3]
Ezaugarriak aldatu
Bildumak aldatu
2020ko urtarrilaren 1ean 7.912.415 dokumentu eskaintzen zituen on-line; horietatik 786.597 liburuak ziren, 4.717.966 prentsa eta aldizkari faszikulu, 1.474.042 irudi, 182 312 eskuizkribu, 174 848 mapa, 54 partitura eta 551 soinu-grabazio.[4] Zenbait lanetan karaktereen ezagutza optikoa (OCR) egin da, eta horri esker, Gallican hitz konkretuak eta testu kateak bila daiteke.
Gallica eta Gallica intra-muros gordetzen duten bilduma bateratuek 1.519 terabyteko bolumena zuten 2014ko abenduaren 31n, hau da, 3 milioi dokumentu baino gehiago.[5] Milaka dokumenturekin aberasten da aldizka[5].
Notazio sistema aldatu
Dokumentu bakoitzari zenbakizko identifikadore bat esleitzen zaio epe luzera kontserbatzeko, Archival Resource Key (ARK) sistema erabiliz.
Dokumentu guztiek berezko kode bat dute, honako informazio datu hauek biltzen dituena:
- izenburua: lanaren izenburua;
- argitaratzailea;
- argitalpen-data: adibidea: (1789-1792);
- gaia: ikerketarako hitz eta esamolde giltzarriak;
- mota: irudi finkoa, estanpazioa;
- jatorrizko formatua: Adibidez. : akuaforte, xixela; 32,5 x 22,5 cm;
- eskaneatutako bertsioaren formatua: adibidez: irudia/jpeg;
- eskubideak: erabilera-eskubideak (adibidez, jabari publikoa);
- identifikatzailea: adibidez: ark:/12148/btv1b6948042s;
- iturria: adibidez: Frantziako Liburutegi Nazionala, Estanpa eta Argazki Saila, RESERVVE QB-370 (25)-FT 4 [De Vinck, 4219];
- erlazioa: beste lan batzuekiko loturak, bertsio digitalerako esteka;[6]
- jatorria: oro har bnf.fr;
- deskribapena