Faisal meskita
Faisal meskita (urdueraz: فیصل مسجد, Faisal Masjid) Pakistango Islamabad hiriburuan dagoen meskita da. Munduko seigarren meskita handiena da eta Asia hegoaldeko handiena[1]. 1986 eta 1993 artean Munduko handiena izan zen.
| Faisal meskita | |
|---|---|
| National symbols of Pakistan | |
| |
| Kokapena | |
| Estatu burujabe |  Pakistan |
| Pakistanen banaketa administratiboa | Islamabad Capital Territory |
| Hiria | Islamabad |
| Koordenatuak | 33°43′47″N 73°02′14″E / 33.729728°N 73.03715°E |
 | |
| Historia eta erabilera | |
| Irekiera | 1986 |
| Izenaren jatorria | Faisal Saudi Arabiakoa |
| Erlijioa | sunismoa |
| Edukiera | 300.000 |
| Arkitektura | |
| Arkitektoa | Vedat Dalokay (en)  |
| Estiloa | Islamiar arkitektura |
| Dimentsioak | 90 ( ) m |
| Atalak | minarete: 4 |
Faisal Saudi Arabiakoak 28 milioi dolar eman zituen eraikitzeko, hortik izena[2], eta 1986an bukatu zen eraikuntza. Beduinoen denda baten antza du eta 80 metroko altuera duten minareteak ditu lau erpinetan[3].
Historia aldatu
Islamabad 1960. hamarkadan diseinatu zen Pakistango hiriburu berria izateko helburuarekin eta 1966an Pakistango Gobernuak eta bisita ofizialean joana zen Faisal Saudi Arabiakoak munduko meskita handiena eraikitzeko erabakia hartu zuten. 1969an nazioarteko arkitektura lehiaketa antolatu zen horretarako eta 17 herrialdetako 43 proiektu jaso ziren. Vedat Dalokay arkitekto turkiarraren proiektua izan zen irabazlea.
46 akre esleitu zitzaizkion Margalla mendien oinean eta injeniari pakistandarrek hartu zuten meskita eraikitzeko ardura[4]. 1976ko urrian hasi zen eraikuntza Faisal erregearen ondorengoa zen Khalid semeak lehenengo harria ezartzean[5] eta 1986 arte luzatu zen. Aurreneko errezua 1988ko ekainaren 18an izan zen.
Deskribapena aldatu
Arkitektura aldatu
Faisal meskitaren barnean 74.000 fededunentzako tokia dago eta patioa eta sarrera kontutan artuta 200.000 pertsona kabitzen dira[6].
Vedat Dalokay arkitektoak ez zuen kupularik eraiki, zortzi alde dituen sabaia baizik. Beduinoen desertuko denda baten antza du eraikinak. Meskitako egitura nagusia otoitz aretoa da eta zementuzko lau habek eusten diote. Kanpoaldean, lau erpinetan, 90 metrotako altuera duten minareteak daude, arkitektura otomandarraren elementuak diruditenak[7].
Otoitz aretorako sarrera ekialdean dago eta portikodun patio bat zeharkatu beharra dago.
Areto nagusiaren barnealdea marmol zuriz egina dago eta Sadequain artista pakistandarrak egindako mosaiko eta kaligrafiek apaintzen dute. Turkiar estiloko lanpara ikusgarri bat ere badago. Alkibla horman Mengu Ertel turkiarrak diseinaturiko kaligrafia zuri eta urdinak ikusten dira[8].
Beste areto batzuk aldatu
Hainbat elkarteren egoitzak ere badira meskitaren barnean. Nazioarteko Unibertsitate Islamikoa patioan ezarri zen hasiera batean, gaur egun kanpus berria eraiki zaio. Meskitaren barnean badira liburutegia, irakurketa gela, museoa eta kafetegia.
Iruditegia aldatu
-
Faisal meskita piztuta. -
Faisal meskita gauez. -
Barnealdea.
Erreferentziak aldatu
- ↑ (Ingelesez) «Shah Faisal Mosque | Pakistan Attractions» Lonely Planet (Noiz kontsultatua: 2022-03-03).
- ↑ (Ingelesez) «Faisal Mosque not a 'gift' by Saudi Arabia» Daily Times 2017-02-13 (Noiz kontsultatua: 2022-03-03).
- ↑ (Ingelesez) «Three Pakistani mosques make it to 'world's most beautiful mosques' list» The Express Tribune 2015-08-03 (Noiz kontsultatua: 2022-03-03).
- ↑ Rengel, Marian. (2004). Pakistan : a primary source cultural guide. (1st ed. argitaraldia) Rosen Pub. Group ISBN 0-8239-4001-2. PMC 51764568. (Noiz kontsultatua: 2022-03-03).
- ↑ Razvi, Mujtaba. (1981). «PAK-SAUDI ARABIAN RELATIONS: AN EXAMPLE OF ENTENTE CORDIALE» Pakistan Horizon 34 (1): 81–92. ISSN 0030-980X. (Noiz kontsultatua: 2022-03-03).
- ↑ (Ingelesez) masnoonahmed, Author. (2014-10-04). «Faisal Mosque, Islamabad, Pakistan» Muslim Mosques (Noiz kontsultatua: 2022-03-03).
- ↑ (Ingelesez) «Faisal Mosque» Atlas Obscura (Noiz kontsultatua: 2022-03-03).
- ↑ Rizvi, Kishwar. (2015). The transnational mosque : architecture and historical memory in the contemporary Middle East. ISBN 978-1-4696-2495-2. PMC 923254240. (Noiz kontsultatua: 2022-03-03).
Kanpo estekak aldatu
Datuak: Q500983
Multimedia: Faisal Mosque / Q500983
